<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Wednesday, 11th December 2024

થાઈલેન્ડ ભારતીયો માટે ઈ-વિઝાની સેવાનો પ્રારંભ કરશે : હવે વિઝાને લઈને કોઈ ટેન્શન નહીં રહે

1લી જાન્યુઆરીથી અમલ

જો તમે બેંગકોક, ફૂકેટની મુલાકાત લેવાનું વિચારી રહ્યા છો, તો તમારા માટે એક મોટી ઓફર છે. થાઈલેન્ડે ભારતીયો માટે ઈ-વિઝા શરૂ કરવાની જાહેરાત કરી છે. આવતા વર્ષે 1 જાન્યુઆરીથી, ભારતીય પાસપોર્ટ ધરાવતા તમામ લોકો હવે ઇ-વિઝા સાથે મુસાફરી કરી શકશે. સૌથી મહત્વની વાત એ છે કે આટલી મોટી જાહેરાત કરતી વખતે થાઈલેન્ડે વિઝાના દિવસોમાં કોઈ ઘટાડો કર્યો નથી. એટલે કે તમે ઈ-વિઝા પર પણ 60 દિવસ માટે થાઈલેન્ડ જઈ શકશો.

રોયલ થાઈ એમ્બેસી અનુસાર, બિન-થાઈ નાગરિકોએ તમામ પ્રકારના વિઝા માટે https://www.thaievisa.go.th વેબસાઇટ પર અરજી કરવી આવશ્યક છે. તેમાં કોઈપણ સરળતાથી પ્રવેશ કરી શકે છે. અરજદારોએ વિઝા ફી ચૂકવવાની રહેશે, જેના માટે સંબંધિત એમ્બેસી અને કોન્સ્યુલેટ જનરલ ઑફલાઇન ચુકવણીનો વિકલ્પ ઓફર કરે છે. પરંતુ સૌથી મહત્વની વાત એ છે કે એકવાર તમે વિઝા લીધા પછી તેના પર વસૂલવામાં આવેલી ફી પરત કરવામાં આવશે નહીં.

(7:25 PM IST)