જયપુરના ગોપાલપુરા સ્થિત ઉત્કર્ષ કોચિંગ સેન્ટરમાં 10 વિદ્યાર્થીઓ અચાનક બેહોશ થઈ ગયાજેમાંથી 7 વિદ્યાર્થીઓને મહેશ નગરની સોમાની હોસ્પિટલમાં દાખલ કરવામાં આવ્યા છે. હોસ્પિટલના ડોક્ટરે કહ્યું છે કે બે વિદ્યાર્થીઓની હાલત ગંભીર છે, તેમને ICU વોર્ડમાં ખસેડવામાં આવ્યા છે. આ હોસ્પિટલમાં કુલ 7 વિદ્યાર્થીઓ આવ્યા છે. અન્ય બે વિદ્યાર્થીઓને સીકે બિરલા હોસ્પિટલમાં દાખલ કરવામાં આવ્યા છે. જ્યારે અન્ય એક વિદ્યાર્થીની ખાનગી હોસ્પિટલમાં સારવાર ચાલી રહી છે. ડોક્ટરના જણાવ્યા અનુસાર, બેભાન થવાનું કારણ અજાણ્યા ગેસ જેવી દુર્ગંધ હોવાનું કહેવાય છે.

મળતી માહિતી મુજબ, રવિવારે સાંજે લગભગ 6.30 વાગ્યે ક્લાસમાં બેઠેલા વિદ્યાર્થીઓને અચાનક ગેસની દુર્ગંધ આવી હતી. થોડી જ વારમાં વર્ગમાં બેઠેલા વિદ્યાર્થીઓ બેહોશ થવા લાગ્યા. 10થી વધુ વિદ્યાર્થીઓ બેભાન થઈ જતાં સ્થળ પર હંગામો મચી ગયો હતો. બીજા માળે કોચિંગ ક્લાસ ચાલતા હતા. આ દરમિયાન બેભાન વિદ્યાર્થીઓને ખભામાંથી નીચે ઉતારી 108 એમ્બ્યુલન્સ બોલાવીને તાત્કાલિક ખાનગી હોસ્પિટલમાં દાખલ કરવામાં આવી હતી. જ્યાં બે વિદ્યાર્થીઓની હાલત ગંભીર હોવાથી તેમને સીકે બિરલા હોસ્પિટલમાં રીફર કરવામાં આવ્યા હતા. રાહતની વાત એ છે કે હોસ્પિટલમાં દાખલ અન્ય વિદ્યાર્થીઓની હાલત સ્થિર છે. ડોક્ટરે એમ પણ કહ્યું છે કે તમામ બાળકોની હાલતમાં સુધારો થઈ રહ્યો છે. ઘટનાની જાણ થતાં જ મોટી સંખ્યામાં લોકો ઘટનાસ્થળે એકત્ર થઈ ગયા હતા.

ઘટનાને પગલે ઘટનાસ્થળે મોટી સંખ્યામાં લોકોના ટોળેટોળા ઉમટી પડ્યા હતા. આ દરમિયાન પોલીસ અને વિદ્યાર્થીઓ વચ્ચે ઘર્ષણ જોવા મળ્યું હતું.

ઘટનાની માહિતી મળતાં જ સાંસદ મંજુ શર્મા ઘટનાસ્થળે પહોંચી ગયા હતા અને વિદ્યાર્થિનીની ખબર પૂછવા હોસ્પિટલ પહોંચ્યા હતા. તેમણે કહ્યું છે કે આ ઘટનાના કારણોની તપાસ કરવામાં આવશે. ગેસ લીકેજના મામલામાં ગ્રેટર મ્યુનિસિપલ કોર્પોરેશનના મેયર સૌમ્ય ગુર્જરે એક તપાસ સમિતિની રચના કરી છે અને તથ્યપૂર્ણ અહેવાલ માંગ્યો છે. પ્રશાસનના ઉચ્ચ અધિકારીઓ પણ ઘટના સ્થળે પહોંચી ગયા છે.

નોંધનીય છે કે ઘટના બાદ મોટી સંખ્યામાં વિદ્યાર્થીઓ ઘટનાસ્થળે ઉમટી પડ્યા હતા. તેઓએ કોચિંગ સંસ્થા વિરુદ્ધ સૂત્રોચ્ચાર શરૂ કર્યા. વિદ્યાર્થી નેતા નિર્મલ ચૌધરી અને અન્ય લોકો પણ ઘટનાસ્થળે પહોંચ્યા હતા. આ દરમિયાન પોલીસ અને વિદ્યાર્થી નેતા વચ્ચે ઘર્ષણ થયું હતું. આ પછી વિદ્યાર્થીઓ હડતાળ પર બેસી ગયા હતા. ઘટનાસ્થળે મોટી સંખ્યામાં પોલીસ દળો પણ તૈનાત છે.