અમેરિકાના વિસ્કોન્સિનમાં એક ક્રિશ્ચિયન સ્કૂલમાં સોમવારે થયેલા ગોળીબારમાં ત્રણ લોકોના મોત થયા છે અને અન્ય ઘાયલ થયા છે. મેડિસન પોલીસ ચીફ શોન બાર્ન્સનું કહેવું છે કે મૃતકોમાં શંકાસ્પદ હુમલાખોર પણ સામેલ છે. પોલીસે જણાવ્યું કે ગોળીબાર રાજ્યની રાજધાની મેડિસનની એબન્ડન્ટ લાઈફ ક્રિશ્ચિયન સ્કૂલમાં થયો હતો.

 મેડિસન પોલીસે એક નિવેદનમાં જણાવ્યું હતું કે ઘટનાની તપાસ ચાલી રહી છે. વધુ માહિતી જેમ જેમ ઉપલબ્ધ થશે તેમ જાહેર કરવામાં આવશે. હાલમાં લોકોએ આ વિસ્તારથી દૂર રહેવાની જરૂર છે. પોલીસે સોમવારે બપોરે શાળાની આસપાસના રસ્તાઓ બંધ કરી દીધા હતા.

વિસ્કોન્સિનના ગવર્નર ટોની એવર્સે કહ્યું કે અમે બાળકો, શિક્ષકો અને સમગ્ર એબન્ડન્ટ લાઇફ સ્કૂલ સ્ટાફ માટે પ્રાર્થના કરી રહ્યા છીએ. તેમણે કહ્યું કે અમે વધુ માહિતીની રાહ જોઈ રહ્યા છીએ અને પહેલા અમે તેમના આભારી છીએ કે જેઓ ઝડપથી જવાબ આપવા માટે કામ કરી રહ્યા છે. શાળાની વેબસાઈટ મુજબ, એબન્ડન્ટ લાઈફ ક્રિશ્ચિયન સ્કૂલ બિન-સાંપ્રદાયિક છે અને તેમાં કિન્ડરગાર્ટનથી હાઈસ્કૂલ સુધીના આશરે 390 વિદ્યાર્થીઓ છે.

પોલીસ ચીફ બાર્ન્સનું કહેવું છે કે હુમલો પોલીસ તાલીમ કેન્દ્રથી માત્ર 3 માઈલ (4.8 કિમી) દૂર થયો હતો. બાર્ન્સે કહ્યું કે હું હવે થોડો નિરાશ અનુભવું છું. તેણે કહ્યું કે મેડિસન સ્કૂલમાં બનેલી ઘટનાને લઈને મારું દિલ ભારે છે. આપણે એક સમુદાય તરીકે સાથે આવવું પડશે અને અહીં શું થયું છે તે શોધી કાઢવું પડશે અને ખાતરી કરવી પડશે કે તે બીજે ક્યાંય ન બને