તા. ૧૩ નવેમ્બર ર૦ર૬ વિક્રમ સંવત ર૦૮૩ કારતક સુદ – ૪ શુક્રવાર
‘માણસે અહંકારથી બચવું જોઈએ, નહીં તો...' : આરએસએસના વડા મોહન ભાગવત
ભારતનો વિકાસ થાય તે માટે સમાજના તમામ વર્ગોને સશક્ત બનાવવા જરૂરી છે
નવી દિલ્હી, તા.૧૭: રાષ્ટ્રીય સ્વયંસેવક સંઘ (RSS)ના વડા મોહન ભાગવતે મોટું નિવેદન આપ્યું છે. તેમણે કહ્યું કે વ્યક્તિએ અહંકારથી દૂર રહેવું જોઈએ, નહીં તો એક દિવસ તે ચોક્કસપણે નીચે પડી જશે. મોહન ભાગવતે કહયું કે નિઃસ્વાર્થ સેવા ત્યારે થાય છે જ્યારે વ્યક્તિ કાયમી સુખ અને સંતોષ સાથે ઓળખે છે અને અન્યને મદદ કરવાની ટેવ પણ વિકસાવે છે.
ખરેખર, ભાગવત સોમવારે મહારાષ્ટ્રના પુણેમાં ભારત વિકાસ પરિષદના વિકલાંગ કેન્દ્રના રજત જયંતિ સમારોહમાં બોલી રયા હતા.
તેમણે કહ્યું કે સમાજમાં એવી માન્યતા વધી રહી છે કે બધું ખોટું થઈ રહયું છે. જો કે, દરેક નકારાત્મક પાસાઓ માટે, સમાજમાં ૪૦ ગણી વધુ સારી અને મહાન સેવા થઈ રહી છે. આ સકારાત્મક પ્રયાસો વિશે જાગળતિ ફેલાવવી મહત્વપૂર્ણ છે.
ભાગવતે એમ પણ કહયું કે ભારતનો વિકાસ થાય તે માટે સમાજના તમામ વર્ગોને સશક્ત બનાવવું જરૂરી છે. તેમણે કહ્યું કે દેશની પ્રગતિ માત્ર સેવા પુરતી સીમિત નથી. સેવાનો ઉદ્દેશ્ય નાગરિકોને વિકાસમાં યોગદાન આપવા સક્ષમ બનાવવાનો હોવો જોઈએ.
તમને જણાવી દઈએ કે તાજેતરમાં જ મોહન ભાગવતે વસ્તી વળદ્ધિ દર (ફર્ટિલિટી રેટ)માં ઘટાડાને લઈને ચિંતા વ્યક્ત કરી હતી. તેમણે કહયું હતું કે જ્યારે કોઈ સમાજનો વસ્તી વળદ્ધિ દર ૨.૧ થી નીચે જાય છે, ત્યારે તે સમાજ ધીમે ધીમે નાશ પામે છે. ભાગવતે આ નિવેદન એક કાર્યક્રમ દરમિયાન આપ્યું હતું જેમાં તેમણે વસ્તી નીતિને લઈને પોતાની ચિંતા વ્યક્ત કરી હતી.
ભાગવતે કહયું, ‘‘આધુનિક વસ્તી વિજ્ઞાન કહે છે કે જ્યારે કોઈ સમાજની વસ્તી (પ્રજનન દર) ૨.૧ થી નીચે જાય છે, ત્યારે તે સમાજ વિશ્વમાંથી નાશ પામે છે. તે સમાજ જ્યારે કોઈ કટોકટી ન હોય ત્યારે પણ નાશ પામે છે. આ કેટલી ભાષાઓ અને સમાજો નાશ પામ્યા છે, વસ્તી ૨.૧ થી નીચે ન હોવી જોઈએ.'
તેમણે એમ પણ કહ્યું હતું કે ૨.૧નો વસ્તી વળદ્ધિ દર જાળવી રાખવા માટે સમાજને બે કરતાં વધુ બાળકોની જરૂર છે, આમ ત્રણ બાળકોની જરૂરિયાત પર ભાર મૂકયો હતો.
(11:40 AM IST)
છેલ્લા 8 દિવસમાં સૌથી લોકપ્રિય 
