નવી દિલ્હી તા. ૧૭: એક તરફ જ્યાં પહાડી વિસ્તારોમાં ભારે હિમવર્ષા થઈ રહી છે ત્યારે મેદાની વિસ્તારોમાં ઓછા દબાણના વિસ્તારની અસર જોવા મળશે જેના કારણે ઘણા રાજ્યોમાં ભારે વાદળો અને તેજ પવન ફૂંકાશે. કડકડતી ઠંડીના માહોલ વચ્ચે દેશમાં હવામાન ઝડપથી બદલાઈ રહ્યું છે. જ્યારે પહાડી વિસ્તારોમાં ભારે હિમવર્ષા થઈ રહી છે ત્યારે મેદાની વિસ્તારોમાં ઓછા દબાણના વિસ્તારની અસર જોવા મળશે જેના કારણે ઘણા રાજ્યોમાં ભારે વાદળો અને તેજ પવન ફૂંકાશે.

દક્ષિણના રાજ્યોમાં ભારે વરસાદની ચેતવણી જાહેર કરવામાં આવી છે. ભારતીય હવામાન વિભાગ (IMD) એ આ અંગે રેડ અને ઓરેન્જ એલર્ટ જાહેર કર્યું છે.હવામાન વિભાગના જણાવ્યા અનુસાર દક્ષિણ બંગાળની ખાડીના મધ્ય ભાગોમાં લો પ્રેશરનું ક્ષેત્ર રચાયું છે. આગામી બે દિવસમાં આ બાબત વધુ સ્પષ્ટ થશે. આ પછી તે પશ્ચિમ-ઉત્તર પિુમ તમિલનાડુના તટ તરફ આગળ વધે તેવી શક્યતા છે.

તમિલનાડુના દરિયાકાંઠે ભારે પવન ફૂંકાશે અને આસપાસના જિલ્લાઓમાં ભારે વરસાદ પડશે. વેસ્ટર્ન ડિસ્ટર્બન્સ મધ્ય અને ઉપલા ટ્રોપોસ્ફિયરમાંથી ઉત્તર તરફ આગળ વધી રહ્યું છે.IMD એ આ રાજ્યોમાં ભારે વરસાદને લઈને એલર્ટ જાહેર કર્યું છે. તામિલનાડુમાં ૧૭-૨૦ ડિસેમ્બર દરમિયાન ભારેથી અતિ ભારે વરસાદની સંભાવના છે.

આ સમયગાળા દરમિયાન પુડુચેરી, તટીય આંધ્રપ્રદેશ અને રાયલસીમામાં વાદળો રહેશે. આંદામાન અને નિકોબાર ટાપુઓમાં છૂટાછવાયા સ્થળોએ ભારેથી અતિ ભારે વરસાદ નોંધવામાં આવ્યો હતો અને આગામી દિવસોમાં પણ વરસાદની સંભાવના છે. આ રાજ્યોમાં વરસાદની સાથે ગાજવીજ અને વીજળી પડી શકે છે.માછીમારો માટે પણ ચેતવણી જાહેર કરાઇ

હવામાન વિભાગે માછીમારો માટે ચેતવણી પણ જાહેર કરી છે. માછીમારોને ૧૬ ડિસેમ્બરે દક્ષિણ-પૂર્વ અરબી સમુદ્ર અને સોમાલિયાના દરિયાકાંઠે સાહસ ન કરવાની સલાહ અપાઈ હતી. માછીમારોએ ૧૭-૧૯ ડિસેમ્બરના રોજ તમિલનાડુના દરિયાકાંઠે અને ૧૮-૧૯ ડિસેમ્બરના રોજ દક્ષિણ આંધ્ર પ્રદેશના દરિયાકાંઠેથી આગળ ન જવું જોઈએ, કારણ કે આ સમયગાળા દરમિયાન દરિયાકાંઠે ભારે પવન સાથે ભારે વરસાદ થઈ શકે છે. તમિલનાડુમાં વરસાદને કારણે પાણી ભરાઈ શકે છે.