વિમાન બન્યુ આગનો ગોળો : ૪૨નાં કરૂણ મોત
કઝાકિસ્તાનની ઘટના : વિમાનમાં ૬૨ મુસાફરો અને ૫ કર્મચારી હતા : ૨૫નો ચમત્કારિક બચાવ : વિમાન અઝરબૈજાનથી રૂસ જતુ હતુ ત્યારે તુટી પડયું : મૃત્યુઆંક વધે તેવી શકયતા
મોસ્કો, તા.૨૫: કઝાકિસ્તાનના અક્તાઉ એરપોર્ટ પાસે એક વિમાન દુર્ઘટનાનો શિકાર બન્યું છે. વિમાનમાં ૬૨ મુસાફરો અને ૫ ક્રૂ મેમ્બર સવાર હતા. આ દુર્ઘટનામાં અત્યાર સુધીમાં ૪૨ લોકોના મોત થયા હોવાના અહેવાલ છે. જો કે હજુ સુધી મળતકોની સત્તાવાર સંખ્યા જાહેર કરવામાં આવી નથી, પરંતુ અકસ્માતનો વીડિયો જોયા બાદ એવી આશંકા વ્યક્ત કરવામાં આવી રહી છે કે મળતકોની સંખ્યા ઘણી વધારે હશે.
પ્રાથમિક માહિતી અનુસાર, અક્તાઉ શહેરમાં લેન્ડિંગ દરમિયાન પ્લેન ક્રેશ થયું અને આગના ગોળામાં ફેરવાઈ ગયું. પ્રારંભિક અહેવાલો દર્શાવે છે કે અઝરબૈજાન એરલાઈન્સનું વિમાન અઝરબૈજાનથી રશિયા જઈ રહ્યું હતું. દરમિયાન તેમાં કોઈ ટેકનિકલ ખામી સર્જાઈ હતી. આ પછી પ્લેને અક્તાઉ એરપોર્ટ પરથી ઈમરજન્સી લેન્ડિંગની પરવાનગી માંગી હતી. જોકે આ દરમિયાન પ્લેન ક્રેશ થઈ ગયું હતું.
ન્યૂઝ એજન્સીએ મધ્ય એશિયાઈ દેશના ઈમરજન્સી મંત્રાલયને ટાંકીને જણાવ્યું હતું કે વિમાનમાં કેટલાક લોકો બચી ગયા હતા. ઈમરજન્સી સેવાઓ સ્થળ પર હાજર છે. તે જ સમયે, કઝાકિસ્તાનના મીડિયાએ આરોગ્ય પ્રધાન અકમરલ અલનાઝારોવાને ટાંકીને કહ્યું કે એક બાળક સહિત ૨૫ મુસાફરોને જીવતા બચાવી લેવામાં આવ્યા છે. અમે નિષ્ણાતો, ટ્રોમેટોલોજિસ્ટ્સ, ન્યુરોસર્જન સહિત તમામ બચાવ ટીમને ઘટનાસ્થળે મોકલી છે. એર એમ્બ્યુલન્સની પણ વ્યવસ્થા કરવામાં આવી છે. અમે સ્થળ પર જ મદદ પૂરી પાડવાનો -યાસ કરી રહ્યા છીએ. રાહત અને બચાવ કામગીરી ચાલી રહી છે.
દાવો કરવામાં આવી રહ્યો છે કે ઉડતા એમ્બ્રેર 190 AHY8243 એરક્રાફ્ટ સાથે એક પક્ષી અથડાયું હતું. આ કારણે પ્લેનના પાઇલટે ઇમરજન્સી લેન્ડિંગ માટે અક્તાઉ એરપોર્ટનો સંપર્ક કર્યો હતો. જો કે, પ્લેન લેન્ડ થાય તે પહેલા જ સ્ટીયરીંગ ફેલ થવાને કારણે તે ક્રેશ થઈ ગયું અને આગની લપેટમાં આવી ગઈ. હાલ આગ પર કાબુ મેળવી લેવામાં આવ્યો છે.(
(3:02 PM IST)
છેલ્લા 8 દિવસમાં સૌથી લોકપ્રિય 
