બાંગ્લાદેશમાં કટ્ટરપંથીઓ બેફામ ૧૭ ખ્રિસ્તીઓનાં ઘર સળગાવ્યા
હિન્દુઓ બાદ હવે ખ્રિસ્તીઓ નિશાના પર : પવિત્ર દિવસે ખ્રિસ્તીઓ ક્રિસમસ મનાવવા - પ્રાર્થના કરવા બાજુનાં ગામમાં ગયા ને કટ્ટરપંથીઓ ત્રાટકયા : ગયા મહિને કટ્ટરપંથીઓએ લોકોને ધમકાવ્યા હતા : ગામ ખાલી કરવા ધમકી આપી હતી
નવી દિલ્હી, તા.૨૬: ભારતના પડોશી દેશ બાંગ્લાદેશમાં અગાઉ હિન્દુઓને નિશાન બનાવવામાં આવતા હતા, ત્યારે હવે ત્યાં રહેતા અન્ય લઘુમતી જૂથો સામે પણ હિંસા શરૂ થઈ છે. આ વખતે ઈસ્લામિક કટ્ટરપંથીઓએ ક્રિસમસના દિવસે ખ્રિસ્તીઓના લગભગ ૧૭ ઘરોને આગ ચાંપી દીધી હતી. આ ઘટના બંદરબન જિલ્લાના લામા વિસ્તારમાં બની હતી. આ હુમલો ૨૫ ડિસેમ્બરની સવારે થયો હતો, જ્યારે ગામલોકો નાતાલની ઉજવણી કરવા માટે પડોશી ગામમાં પ્રાર્થના કરવા ગયા હતા. આ હુમલાને ખ્રિસ્તી સમુદાય પર અત્યાર સુધીનો સૌથી મોટો હુમલો માનવામાં આવે છે.
ઢાકા ટ્રિબ્યુનના અહેવાલ મુજબ તોંગજીરી વિસ્તારના ન્યૂ બેટાચારા પારા ગામના લોકો ચર્ચ ન હોવાના કારણે અન્ય જગ્યાએ તહેવાર મનાવવા ગયા હતા. ત્યારબાદ તેની પીઠ પાછળ બદમાશોએ ગામમાં હુમલો કર્યો અને ૧૭ ઘરોને સંપૂર્ણપણે બાળી નાખ્યા. આ હુમલામાં અંદાજે ૧૫ લાખથી વધુનું નુકસાન થયું છે.
ન્યૂ બેટાચારા પારા ગામના લોકોએ ઢાકા ટ્રિબ્યુનને જણાવ્યું કે ગયા મહિને ૧૭ નવેમ્બરે બદમાશોએ તેમને ગામ ખાલી કરવાની ધમકી આપી હતી. આના પર ગંગા મણિ ત્રિપુરા નામના વ્યક્તિએ લામા પોલીસ સ્ટેશનમાં ૧૫ આરોપીઓ વિરુદ્ધ ફરિયાદ નોંધાવી હતી. તેમ છતાં પોલીસ દ્વારા કોઈ કાર્યવાહી કરવામાં આવી ન હતી. હવે ઘર બળી ગયા બાદ પીડિતાનો પરિવાર ખુલ્લા આકાશ નીચે રહેવા મજબૂર છે. ગંગા મણિ ત્રિપુરાએ કહયું, ‘અમારા ઘરો સંપૂર્ણપણે બળી ગયા છે. હવે અમારી પાસે કંઈ બચ્યું નથી.'
ત્રિપુરા સમુદાયના લોકોનો દાવો છે કે તેઓ ઘણી પેઢીઓથી આ સ્થાન પર રહે છે. પરંતુ તાજેતરના વર્ષોમાં તેમને ત્યાંથી હટાવવાના પ્રયાસો તેજ થયા છે. કેટલાક સ્થાનિક લોકોનો આરોપ છે કે સરકારે આ જમીન પોલીસ અધિકારી અને પૂર્વ આઈજીપી બેનઝીર અહેમદને લીઝ પર આપી છે. અગાઉ અહીં એસપી ગાર્ડન હતું
આ ઘટના બંદરબન જિલ્લાના ચિત્તાગોંગ હિલ ટ્રેક્ટમાં સ્થિત સરાઈ યુનિયનમાં બની હતી. અહેવાલ મુજબ, હુમલો ત્યારે થયો જ્યારે અહીં રહેતા ત્રિપુરા સમુદાય (ખ્રિસ્તીઓ) ના લોકો નજીકના ગામમાં નાતાલની પ્રાર્થનામાં ભાગ લેવા માટે ગયા હતા, કારણ કે તેમના ગામમાં કોઈ ચર્ચ ન હતું.
ઘટના સમયે અસરગ્રસ્ત ગામ નવા બેટાચરા પરા ખાતે કોઈ હાજર નહોતું અને તેનો લાભ લઈને બદમાશોએ ત્યાં પહોંચીને લામા ઉપજિલ્લાના સરાઈ યુનિયનના વોર્ડ નંબર ૮માં આવેલા ઘરોને આગ ચાંપી દીધી હતી નાતાલની ઉજવણી કરવા નજીકના ટોંગ્યાજીરી ગામમાં પહોંચ્યા હતા. હુમલાખોરોએ તેની ગેરહાજરીનો લાભ લીધો અને ઘરોમાં આગ લગાડી, ગામના ૧૯ માંથી ૧૭ ઘરોને રાખ થઈ ગયા.
૨૫ ડિસેમ્બરના રોજ સવારે ૧૨:૩૦ વાગ્યે, ક્રિસ્મતની પ્રાર્થનામાં ભાગ લેવા આવેલા ગ્રામજનોએ તેમના ગામમાંથી જ્વાળાઓ ઉછળતી જોઈ અને તેઓ તેમના ગામમાં પહોંચ્યા ત્યાં સુધીમાં, ૧૯ માંથી ૧૭ ઘરો સંપૂર્ણપણે નાશ પામ્યા હતા. ઘરો મુખ્યત્વે વાંસ અને સ્ટ્રોના બનેલા હોવાથી, તેઓ ઝડપથી આગ પકડીને બળીને ખાખ થઈ ગયા.
ઢાકા ટ્રિબ્યુન સાથે વાત કરતા, ન્યૂ બેટાચારા પારા ગામના લોકોએ કહયું કે કટ્ટરપંથીઓ દ્વારા તેમને ગામ ખાલી કરવા માટે પણ ગયા મહિને ધમકી આપવામાં આવી હતી. આના પર ગંગા મણિ ત્રિપુરા નામના વ્યક્તિએ લામા પોલીસ સ્ટેશનમાં ૧૫ આરોપીઓ વિરુદ્ધ ફરિયાદ નોંધાવી હતી. પરંતુ પોલીસે ફરિયાદ અંગે કોઈ ઉત્સાહ દાખવ્યો ન હતો અને કોઈની સામે કાર્યવાહી કરી ન હતી.(
(11:02 AM IST)
છેલ્લા 8 દિવસમાં સૌથી લોકપ્રિય 
