નવી દિલ્હી :ભારતના પૂર્વ વડાપ્રધાન મનમોહન સિંહનું 92 વર્ષની વયે દિલ્હીની AIIMS હોસ્પિટલમાં નિધન થયું છે. તેમના નિધનથી દેશભરમાં શોકનું મોજુ ફરી વળ્યું છે.

પૂર્વ વડાપ્રધાન મનમોહન સિંહનો ચંડીગઢ સાથે લાંબો સંબંધ છે. તેણે પંજાબ યુનિવર્સિટીમાંથી અભ્યાસ કર્યો હતો અને પ્રોફેસર પણ હતા. તેમણે એક કાર્યક્રમમાં પંજાબ યુનિવર્સિટીને તેમના 3500 પુસ્તકો પણ દાનમાં આપ્યા હતા. મનમોહન સિંહ પણ ચંડીગઢના સેક્ટર 11માં એક મકાનમાં રહેતા હતા.

મનમોહન સિંહે 1954માં પંજાબ યુનિવર્સિટીમાંથી અર્થશાસ્ત્રમાં માસ્ટર ડિગ્રી મેળવી, ત્યારબાદ તેમણે 1957 થી 1966 સુધી પંજાબ યુનિવર્સિટીમાં અર્થશાસ્ત્રના વરિષ્ઠ ફેકલ્ટી તરીકે કામ કર્યું.

મનમોહન સિંહ વધુ અભ્યાસ માટે વિદેશ ગયા હતા. વર્ષ 1957માં તેમણે બ્રિટનની કેમ્બ્રિજ યુનિવર્સિટીમાંથી પ્રથમ વર્ગ સાથે અર્થશાસ્ત્રમાં સ્નાતક પૂર્ણ કર્યું. આ પછી તેમણે વર્ષ 1962માં ઓક્સફર્ડ યુનિવર્સિટીની નફિલ્ડ કોલેજમાંથી અર્થશાસ્ત્રમાં પીએચડી કર્યું. જ્યારે વિદેશમાં પીએચડી કર્યા બાદ તેમને ડોક્ટરની પદવી મળી હતી. આ પછી મનમોહન સિંહે પંજાબ યુનિવર્સિટી અને દિલ્હી સ્કૂલ ઑફ ઇકોનોમિક્સમાં અર્થશાસ્ત્ર ભણાવ્યું. વિદ્યાર્થીઓ તેમને શિક્ષક તરીકે ખૂબ પસંદ કરતા. તેઓ જીનીવામાં સાઉથ કમિશનમાં સેક્રેટરી જનરલ તરીકે પણ નિયુક્ત થયા હતા.

પૂર્વ વડાપ્રધાન મનમોહન સિંહની સિદ્ધિઓ

• 1932: જન્મ - ગામ ગાહ (હવે પંજાબ, પાકિસ્તાનમાં)
• 1954: પંજાબ યુનિવર્સિટીમાંથી માસ્ટર ડિગ્રી પૂર્ણ કરી
• 1962: ઓક્સફોર્ડ યુનિવર્સિટીમાંથી ડી.ફિલ. (ડોક્ટરેટ) પ્રાપ્ત કરી
• 1972: નાણા મંત્રાલયમાં મુખ્ય આર્થિક સલાહકાર બન્યા
• 1976: નાણા મંત્રાલયમાં સચિવ તરીકેનો કાર્યભાર સંભાળ્યો
• 1982: ભારતીય રિઝર્વ બેંકના ગવર્નર તરીકે નિયુક્ત
• 1985: આયોજન પંચના ઉપાધ્યક્ષ બન્યા
• 1991: પી.વી. નરસિમ્હા રાવ સરકારમાં નાણામંત્રી બન્યા
• 2004: ભારતના 13મા વડાપ્રધાન તરીકે ચૂંટાયા
• 2009: તેમનો કાર્યકાળ પૂર્ણ કર્યા પછી ફરીથી વડાપ્રધાન તરીકે ચૂંટાયા
• 1987: તેમને પદ્મ વિભૂષણથી નવાજવામાં આવ્યા