નવી દિલ્‍હીઃ  સરકારી ટેલિકોમ કંપની તેના 4G નેટવર્કને વિસ્તારવા માટે સતત ટાવર સ્થાપિત કરી રહી છે. દરમિયાન કંપનીએ તેની 3G સેવા બંધ કરવાનો નિર્ણય લીધો છે, જેની અસર લાખો વપરાશકર્તાઓ પર પડશે. BSNL 15 જાન્યુઆરી 2025થી પટનામાં તેની 3G સેવાઓ બંધ કરશે. અગાઉ તેના પ્રથમ તબક્કામાં BSNLએ મુંગેર, ખાગરિયા, બેગુસરાય, કટિહાર અને મોતિહારીમાં 3G નેટવર્ક બંધ કર્યું છે.

આ તબક્કામાં પટના સહિત અન્ય જિલ્લાઓમાં 3જી નેટવર્ક હવે બંધ થઈ જશે. આ સાથે 3જી સિમ ધરાવતા ગ્રાહકોને માત્ર કોલિંગની સુવિધા મળશે અને ડેટાની સુવિધા નહીં મળે.

બીએસએનએલના ચીફ જનરલ મેનેજર આર કે ચૌધરીના જણાવ્યા અનુસાર, રાજ્યના વિવિધ જિલ્લાઓમાં 4જી નેટવર્ક સંપૂર્ણપણે અપડેટ થઈ ગયું છે. જેના કારણે મોટાભાગના જિલ્લાઓમાં 3જી નેટવર્ક બંધ કરી દેવામાં આવ્યું છે. 15 જાન્યુઆરીથી બાકીના રાજ્યોમાં પણ 3જી સેવા બંધ થઈ જશે. હાલમાં પટના અને અન્ય શહેરોમાં લાખો વપરાશકર્તાઓ 3G સેવાનો ઉપયોગ કરી રહ્યા છે.

જો કે ગ્રાહકો  BSNL 3G સિમને 4G સિમ કાર્ડથી આ માટે કોઈ ફી ચૂકવવી પડશે નહીં. આ માટે, BSNL ગ્રાહકો તેમના નજીકના ગ્રાહક સંભાળ કેન્દ્ર અથવા BSNL ઑફિસમાં જઈને નવું સિમ મેળવી શકે છે. ત્યાં જૂનું સિમ જમા કરાવવાથી તમને બદલામાં નવું સિમ મળશે.