છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
પાકિસ્તાનનું સપનું ચકનાચૂર : વિશ્વના સૌથી મોટા મુસ્લિમ દેશ ઇન્ડોનેશિયાનો બ્રિક્સમાં પ્રવેશ
બ્રાઝિલે ઇન્ડોનેશિયાને BRICSના પૂર્ણ સભ્ય બનવાની જાહેરાત કરી : બ્રાઝિલે કહયું કે ઇન્ડોનેશિયા વૈશ્વિક ગવર્નન્સ સંસ્થાઓના સુધારામાં સકારાત્મક યોગદાન આપવા માંગે છે : પાકિસ્તાનના ધમપછાડા કામ ન લાગ્યા : શાહબાઝ શરીફ જોતા જ રહી ગયા : બ્રાઝિલ ૨૦૨૫માં BRICSની અધ્યક્ષતા કરશે
જકાર્તા, તા.૭: ઈન્ડોનેશિયા બ્રિક્સનું પૂર્ણ સભ્ય બની ગયું છે. બ્રાઝિલે સોમવારે આની જાહેરાત કરી હતી. બ્રાઝિલના વિદેશ મંત્રાલયે જણાવ્યું હતું કે ઇન્ડોનેશિયા, દક્ષિણપૂર્વ એશિયાનો સૌથી વધુ વસ્તી ધરાવતો દેશ, હવે અન્ય સભ્યો સાથે, વૈશ્વિક શાસન સંસ્થાઓના સુધારા અને ગ્લોબલ સાઉથની અંદર સહયોગમાં સકારાત્મક યોગદાન આપશે. બ્રાઝિલ આ વર્ષે બ્રિક્સની બેઠકની અધ્યક્ષતા કરશે. ૨૦૨૩ માં જોહાનિસબર્ગ સમિટ દરમિયાન ઇન્ડોનેશિયાના BRICS માં જોડાવાની મંજૂરી આપવામાં આવી હતી.
બ્રિક્સમાં ઈન્ડોનેશિયાનો પ્રવેશ પાકિસ્તાન માટે આંચકો છે. વાસ્તવમાં, પાકિસ્તાન ઇચ્છતું ન હતું કે વિશ્વની સૌથી મોટી મુસ્લિમ વસ્તી ધરાવતો દેશ ઇન્ડોનેશિયા આ જૂથમાં સામેલ થાય. ઉલટું પાકિસ્તાન પોતે બ્રિક્સમાં સામેલ થવાનો પ્રયાસ કરી રહ્યું હતું. આ માટે તે ચીનને પણ વહાલ કરી રહ્યો હતો પરંતુ બ્રિક્સનો દરવાજો તેના માટે ન ખુલ્યો અને ઈન્ડોનેશિયાને એન્ટ્રી મળી ગઈ.
આ વર્ષે બ્રાઝિલ દ્વારા બ્રિક્સની અધ્યક્ષતા કરવામાં આવી રહી છે. વર્તમાન વર્ષ ૨૦૨૫ની BRICS સમિટ જુલાઈમાં રિયો ડી જાનેરોમાં યોજાશે. તેના પ્રમુખપદ દરમિયાન, બ્રાઝિલનો હેતુ ગ્લોબલ સાઉથના દેશો વચ્ચે સહકારને પ્રોત્સાહન આપવા અને બહુપક્ષીય સંસ્થાઓમાં સુધારો કરવાનો છે. બ્રાઝિલના રાષ્ટ્રપતિ લુઇઝ ઇનાસિયો લુલા દા સિલ્વાની સરકારે જણાવ્યું છે કે તેનો ઉદ્દેશ સભ્ય દેશો વચ્ચે વેપારને સરળ બનાવવા માટે ચુકવણીના માધ્યમ વિકસાવવાનો છે.
નવેમ્બર ૨૦૨૪માં રશિયામાં યોજાયેલી BRICS સમિટ દરમિયાન ડૉલર સિવાયના વ્યવહારોને પ્રોત્સાહન આપવા અને સ્થાનિક ચલણને મજબૂત કરવા અંગે ચર્ચા કરવામાં આવી હતી. બ્રિક્સ દેશો ડોલરનો ઉપયોગ ઘટાડીને તેમની સ્થાનિક કરન્સીને મજબૂત કરવાનો પ્રયાસ કરી રહ્યા છે. જો કે, આનાથી અમેરિકાના ચૂંટાયેલા રાષ્ટ્રપતિ ડોનાલ્ડ ટ્રમ્પ નારાજ થયા. જો યુએસ ડોલર નબળો પડશે તો ૧૦૦ ટકા ટેરિફ લાદવાની ધમકી પણ આપી હતી.
BRICSની સ્થાપના ૨૦૦૯માં બ્રાઝિલ, રશિયા, ભારત અને ચીન દ્વારા કરવામાં આવી હતી. એક વર્ષ પછી દક્ષિણ આફ્રિકા પણ તેમાં જોડાયું. ગયા વર્ષે તેનું વિસ્તરણ થયું અને ઈરાન, ઈજિપ્ત, ઈથોપિયા અને સંયુક્ત આરબ અમીરાત બ્રિક્સના સંપૂર્ણ સભ્ય બન્યા. જૂથનું કુળ હવે વધુ વિસ્તર્યું છે, જ્યારે એક મહત્વપૂર્ણ દેશ ઇન્ડોનેશિયા પણ બ્લોકમાં આવી ગયો છે.(૨૩.૫)
(10:18 AM IST)
