છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
આસારામને દુષ્કર્મ કેસમાં સુપ્રિમ કોર્ટે વચગાળાના જામીન આપ્યા
નવી દિલ્હી, તા.૭: સુપ્રીમ કોર્ટે બળાત્કાર કેસમાં સ્વયંભૂ સંત આસારામ બાપુને વચગાળાના જામીન આપ્યા છે. ૨૦૧૩ના બળાત્કારના કેસને લઈને મેડિકલના આધારે તેને આ રાહત મળી છે. આસારામને ૩૧મી માર્ચ સુધી જામીન મળ્યા છે. આ સાથે જ SCએ આસારામને વચગાળાના જામીન પર છૂટયા બાદ તેમના અનુયાયીઓને ન મળવાનો નિર્દેશ આપ્યો હતો.
સુપ્રીમ કોર્ટે કહયું કે, આસારામ બાપુને ત્રણ પોલીસકર્મીઓની એસ્કોર્ટ આપવામાં આવશે. તેમાં એવી શરત રહેશે કે તે પુરાવા સાથે ચેડાં નહીં કરે. ઉપરાંત, તેને તેના અનુયાયીઓને એકસાથે મળવાની મંજૂરી આપવામાં આવશે નહીં. જાણવા મળે છે કે લ્ઘ્નો આ નિર્ણય ગુજરાતમાં બળાત્કારના કેસના સંબંધમાં આવ્યો છે, જેમાં તે આજીવન કેદની સજા ભોગવી રહયો છે. જો કે, રાજસ્થાનમાં નોંધાયેલા આવા જ કેસના સંબંધમાં તે હજુ પણ કસ્ટડીમાં છે.
જાન્યુઆરી ૨૦૨૩માં સેશન્સ કોર્ટે આસારામ બાપુને ૨૦૧૩ના રેપ કેસમાં દોષિત ઠેરવ્યા હતા. ગુના સમયે ગાંધીનગર પાસેના તેના આશ્રમમાં રહેતી મહિલાએ કેસ દાખલ કર્યો હતો. અગાઉ, સુપ્રીમ કોર્ટે ૨૦૧૩ના બળાત્કાર કેસમાં ટ્રાયલ કોર્ટની આજીવન કેદની સજાને રદ કરવાની જેલમાં આસારામની અરજી પર ગુજરાત સરકાર પાસેથી જવાબ માંગ્યો હતો. આના પર બેન્ચે આસારામ તરફથી હાજર રહેલા વકીલને કહ્યું કે તે આ મુદ્દા પર ત્યારે જ વિચાર કરશે જ્યારે તેની પાછળ કોઈ તબીબી આધાર હશે.
(4:06 PM IST)
