નવી દિલ્હીઃ  ભારતીય અર્થવ્યવસ્થા માટે ખરાબ સમાચાર આવ્યા છે. વર્તમાન નાણાકીય વર્ષ (2024-2025)માં દેશનો ગ્રોસ ડોમેસ્ટિક પ્રોડક્ટ (GDP) વૃદ્ધિ દર 6.4 ટકા રહેવાનો અંદાજ છે. જે ચાર વર્ષની નીચી છે અને નાણાકીય વર્ષ 24 માં નોંધાયેલ 8.2% વૃદ્ધિથી તીવ્ર ઘટાડો છે. ગયા નાણાકીય વર્ષમાં દેશની અર્થવ્યવસ્થા 8.2 ટકાના દરે વૃદ્ધિ પામી હતી. મંગળવારે જાહેર કરવામાં આવેલા સરકારી આંકડામાં આ માહિતી આપવામાં આવી છે. આ અંદાજ માર્ચ 2025માં પૂરા થતા ચાલુ નાણાકીય વર્ષ માટે રિઝર્વ બેંક ઓફ ઈન્ડિયાના 6.6 ટકાના તાજેતરના અંદાજ કરતા ઓછો છે.

નાણાકીય વર્ષ 2024-25 માટે રાષ્ટ્રીય આવકનો પ્રથમ એડવાન્સ અંદાજ બહાર પાડતા, નેશનલ સ્ટેટિસ્ટિકલ ઓફિસ (NSO) એ જણાવ્યું હતું કે આ નાણાકીય વર્ષમાં વાસ્તવિક GDP 6.4 ટકાના દરે વધવાનો અંદાજ છે

નાણાકીય વર્ષ 2023-24 માટે જીડીપી વૃદ્ધિનો કામચલાઉ અંદાજ 8.2 ટકા જણાવવામાં આવ્યો છે. ચાલુ નાણાકીય વર્ષ માટે NSOનો GDP વૃદ્ધિનો અંદાજ ભારતીય રિઝર્વ બેંક (RBI)ના અંદાજ કરતાં ઓછો છે. આરબીઆઈએ નાણાકીય વર્ષ 2024-25માં જીડીપી 6.6 ટકાના દરે વૃદ્ધિનો અંદાજ મૂક્યો છે