કેલિફોર્નિયા, તા.૧૧: અમેરિકાના કેલિફોર્નિયા રાજયના લોસ એન્‍જલસમાં લાગેલી આગમાં અંદાજે ૧૩ લાખ કરોડ રૂપિયાનું નુકસાન થયું છે. યુ.એસ.માં હવામાન સેવાઓ પૂરી પાડતી ખાનગી કંપની એક્‍યુવેધરના જણાવ્‍યા અનુસાર, આ આગને કારણે કેલિફોર્નિયાને કુલ ૧૩૫ બિલિયન યુએસ ડોલરથી ૧૫૦ બિલિયન યુએસ ડોલરનું નુકસાન થશે.

નુકસાનના મૂલ્‍યાંકનમાં, અન્‍ય બાબતોની સાથે, ઘરો અને અન્‍ય ઇમારતોને થયેલા નુકસાનનો પણ સમાવેશ થાય છે. આ ઉપરાંત, મૂળભૂત માળખાને થયેલ નુકસાન અને તેના પુનઃનિર્માણમાં થયેલા લાંબા ગાળાના ખર્ચનો પણ સમાવેશ થાય છે. આગ હજુ સુધી કાબુમાં આવી નથી, તેથી આ આંકડા વધુ વધશે.

આગમાં અત્‍યાર સુધીમાં ૧૦ લોકોના મોત થયા છે. મીડિયા રિપોર્ટ્‍સ અનુસાર, લોસ એન્‍જલસમાં લાગેલી આગમાં અત્‍યાર સુધીમાં ૧૦ લોકોના મોત થયા છે. આ કેલિફોર્નિયામાં અત્‍યાર સુધીની સૌથી મોટી આગ છે. છેલ્લા ૪ દિવસથી લાગી રહેલી આગ આશરે ૪૦ હજાર એકરમાં ફેલાઈ ગઈ છે. તેમાંથી ૨૯ હજાર એકર વિસ્‍તાર સંપૂર્ણપણે બળી ગયો છે.

આગને કારણે લગભગ ૧૦,૦૦૦ ઇમારતો નાશ પામી છે. આગથી લગભગ ૧૦ હજાર ઇમારતો નાશ પામી છે, જયારે ૩૦ હજાર ઘરોને નુકસાન થયું છે. લગભગ ૫૦ હજાર લોકોને તાત્‍કાલિક પોતાના ઘર ખાલી કરવા કહેવામાં આવ્‍યું છે. ૩ લાખ લોકોને સલામત સ્‍થળોએ જવાની સૂચના આપવામાં આવી છે. વહીવટીતંત્રે ચેતવણી આપી છે કે શનિવાર સુધીમાં આગ વધુ ફેલાઈ શકે છે. ૧ લાખ લોકો વીજળી વગર જીવી રહ્યા છે.

લોસ એન્‍જલસ કાઉન્‍ટી શેરિફ (જિલ્લા સીઈઓ જેવા) રોબર્ટ લુનાએ પરિસ્‍થિતિ વિશે કહ્યું, ‘આગ એવું લાગે છે કે આ વિસ્‍તારો પર પરમાણુ બોમ્‍બ ફેંકવામાં આવ્‍યો હોય.