ઈરાનના ઇસ્લામિક રિવોલ્યુશનરી ગાર્ડ કોર્પ્સ એ એક વીડિયો બહાર પાડ્યો છે. આ વીડિયોમાં દેશના ભૂગર્ભ મિસાઇલ અને ડ્રોન સંકુલ બતાવવામાં આવ્યા છે. IRGC એ એક નવી ખાસ મિસાઇલ વિકસાવવાનો પણ દાવો કર્યો છે. IRGC કમાન્ડર મેજર જનરલ હુસૈન સલામી અને બ્રિગેડિયર જનરલ અમીર અલી હાજીઝાદેહે મિસાઇલો અને ડ્રોનના આ ડેપોની મુલાકાત લીધી છે. આ વીડિયો દ્વારા ઈરાન આ ક્ષેત્રમાં પોતાની તાકાત બતાવવાનો પ્રયાસ કરી રહ્યું છે.

 ઈરાનના સરકારી ટીવી પર પ્રકાશિત થયેલા એક વીડિયોમાં IRGC કમાન્ડર મેજર જનરલ હુસૈન સલામી અને બ્રિગેડિયર જનરલ અમીર અલી હાજીઝાદેહને સુવિધાની મુલાકાત લેતા દર્શાવવામાં આવ્યા છે.

અહેવાલો અનુસાર, ઈરાની બાસીજ દળોએ રાજધાની તેહરાનમાં 110,000 સભ્યોને સામેલ કરીને મોટા પાયે કવાયત હાથ ધરી હતી, તસ્નીમના અહેવાલ મુજબ, ઈરાની સશસ્ત્ર દળોએ તાજેતરના દિવસોમાં અનેક યુદ્ધ કવાયતો યોજી છે.
લેબનોન, ગાઝા અને યમનમાં ઈરાની સમર્થિત દળો પર ઈઝરાયલી હુમલાઓ અને ઈરાનના સાથી સીરિયન નેતા બશર અલ-અસદના શાસનના પતન છતાં, ઈરાન એ બતાવવાનો હેતુ ધરાવે છે કે તેણે આ ક્ષેત્રમાં પોતાની શક્તિ ગુમાવી નથી.