પત્નિ સાથે ઝઘડો થતા યુવકે જાત જલાવી મોત
સળગતા સળગતા રસ્તા પર ૫૦૦ મીટર દોડયો પછી મૃત્યુ પામ્યો
બરેલી, તા.૧૩: બરેલીમાં, એક પતિ આગની લપેટમાં રસ્તા પર દોડતો જોવા મળ્યો. જેણે પણ આ જોયું તે આશ્ચર્યચકિત થઈ ગયું. એવું કહેવાય છે કે પત્ની સાથેના ઝઘડા બાદ પતિએ પોતાના પર કેરોસીન રેડીને આગ લગાવી દીધી હતી. જ્યારે તે સળગવા લાગ્યો, ત્યારે તે ચીસો પાડતો અને બૂમો પાડતો રસ્તા પર દોડવા લાગ્યો અને ૫૦૦ મીટર દૂર ગયા પછી નીચે પડી ગયો. નજીકના લોકો આગ ઓલવી શકયા ત્યાં સુધીમાં તે મળત્યુ પામ્યો હતો.
આ સમગ્ર ઘટના બરેલી કેન્ટ પોલીસ સ્ટેશનમાંથી નોંધાઈ રહી છે. મળતી માહિતી મુજબ, સકલીન નગરનો રહેવાસી ૪૦ વર્ષીય સલીમ ભંગારના વેપારી તરીકે કામ કરે છે. રવિવારે, સલીમનો તેની પત્ની નાઝમીન સાથે કોઈ વાતને લઈને ઝઘડો થયો. જે બાદ તેણે પોતાના પર કેરોસીન છાંટીને પોતાને આગ લગાવી દીધી.આ દરમિયાન પતિને સળગતો જોઈને પત્ની ડરી ગઈ. આ દરમિયાન સ્થળ પર હાજર લોકોએ કોઈક રીતે આગ ઓલવી નાખી. પરંતુ ત્યાં સુધીમાં તે વ્યક્તિનું મોત થઈ ગયું હતું. ઘટનાની જાણ થતાં જ પોલીસ પણ ઘટનાસ્થળે પહોંચી ગઈ હતી. જે બાદ પોલીસે મળતદેહનો કબજો લીધો અને તેને પોસ્ટમોર્ટમ માટે મોકલી આપ્યો.
આ કેસમાં, કેન્ટ પોલીસ સ્ટેશનનું કહેવું છે કે એક વ્યક્તિએ તેની પત્ની સાથેના ઝઘડા બાદ પોતાને આગ લગાવી દીધી. જેના કારણે તેમનું મળત્યુ થયું. મળતદેહને પોસ્ટમોર્ટમ માટે મોકલી દેવામાં આવ્યો છે. આ મામલે આગળની કાર્યવાહી કરવામાં આવી રહી છે.
(3:21 PM IST)
છેલ્લા 8 દિવસમાં સૌથી લોકપ્રિય 
