તા. ૨૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૩ રવિવાર
News of Tuesday, 14th January 2025
મહાકુંભ સ્નાનમાં 11 શ્રદ્ધાળુઓના મોતના સમાચાર ખોટા: પોલીસે નોંધી FIR
પોલીસે આ મામલે ખોટી અને ભ્રામક માહિતી ફેલાવવા બદલ ભારતીય ન્યાય સંહિતાની કલમ 353(2) હેઠળ FIR નોંધી

નવી દિલ્હી :મહાકુંભના બીજા દિવસે બપોરે 3 વાગ્યા સુધી લગભગ 2.50 કરોડ લોકોએ સંગમમાં પવિત્ર સ્નાન કર્યું હતું. મકરસંક્રાંતિના કારણે મોટી સંખ્યામાં ભક્તો કુંભમાં પહોંચ્યા હતા. દરમિયાન, કોઈએ સોશિયલ મીડિયા પર સમાચાર ફેલાવ્યા કે 11 શ્રદ્ધાળુઓ ઠંડી લાગવાથી હાર્ટ એટેકથી મૃત્યુ પામ્યા. પરંતુ તપાસ દરમિયાન આ સમાચાર ખોટા નીકળ્યા. હવે પોલીસે આ મામલે FIR નોંધી છે.
પોલીસના જણાવ્યા અનુસાર અવકુશ કુમાર સિંહ નામના યુવકે ફરિયાદ કરી હતી. સોશિયલ મીડિયા પ્લેટફોર્મ પર મળેલી ફરિયાદમાં માહિતી મળતાં જ પ્રયાગરાજ પોલીસ તાત્કાલિક એક્શન મોડમાં આવી ગઈ હતી. આ સમગ્ર મામલાની તપાસ માટે સાયબર નિષ્ણાતોની ટીમ બનાવવામાં આવી હતી
તપાસમાં સામે આવ્યું છે કે એક યુવક 2025ના મહાકુંભમાં 11 શ્રદ્ધાળુઓના મોત અંગે સોશિયલ મીડિયા પર ખોટી માહિતી ફેલાવી રહ્યો હતો. સાયબર એક્સપર્ટે ટેકનિકલ સર્વેલન્સ કર્યું ત્યારે જાણવા મળ્યું કે આ યુવક યુપીના બલિયાનો છે. પોલીસે એફઆઈઆર નોંધીને યુવકની શોધ શરૂ કરી છે. સોશિયલ મીડિયા પરથી ગેરમાર્ગે દોરતી પોસ્ટ દૂર કરવામાં આવી રહી છે.
ઈમરજન્સી કેમ્પમાં મોટી સંખ્યામાં દર્દીઓ આવતા હોવાની ખોટી માહિતી શેર કરી
પોલીસના જણાવ્યા અનુસાર, અત્યાર સુધીની તપાસમાં સામે આવ્યું છે કે લાલુ યાદવ નામના આઈડી પરથી ફેસબુક પર એક પોસ્ટ શેર કરવામાં આવી હતી. પોસ્ટમાં દાવો કરવામાં આવ્યો હતો કે મહાકુંભ સ્નાન દરમિયાન ઠંડી લાગવાથી 11 શ્રદ્ધાળુઓના હાર્ટ એટેકથી મોત થયા હતા. એટલું જ નહીં પ્રયાગરાજના ઈમરજન્સી કેમ્પમાં મોટી સંખ્યામાં શ્રદ્ધાળુઓ પહોંચી રહ્યા છે. પણ આ બધું જુઠ્ઠું છે. આઈડીની સત્યતા પણ તપાસવામાં આવી રહી છે.
આ મામલે ડીએસપી મોહમ્મદ ફહીમ કુરેશીએ જણાવ્યું કે આ મામલે તપાસ કરવામાં આવી રહી છે. લોકોને અપીલ કરવામાં આવે છે કે તેઓ સોશિયલ મીડિયા પર કોઈ અફવા ફેલાવવાનું ટાળે અને કોઈપણ માહિતીની સત્યતા તપાસે. જો તમને કોઈ શંકાસ્પદ વસ્તુ દેખાય તો તરત જ પોલીસને જાણ કરો. પોલીસે આ કેસમાં ખોટી અને ભ્રામક માહિતી ફેલાવવા બદલ ભારતીય ન્યાયિક સંહિતાની કલમ 353(2) હેઠળ FIR નોંધી છે.
(7:35 PM IST)









છેલ્લા 8 દિવસમાં સૌથી લોકપ્રિય 
