લોસ એન્‍જલસ તા.૧૫ : હોલીવુડના કારણે આખી દુનિયા લોસ એન્‍જલસને જાણે છે. ૩૫ કિમી અને ૩ લાખ ૨૧ હજાર એકરમાં ફેલાયેલા આ શહેરમાં કુલ ૩૮ લાખની વસ્‍તી છે. આ તે ચમકતું શહેર છે જેની તેજસ્‍વીતા આખી દુનિયાને ચકિત કરે છે. આ શહેરમાં મોટા સ્‍ટાર્સ અને કરોડપતિઓના વૈભવી અને મોંઘા ઘરો છે. છેલ્લા એક અઠવાડિયાથી આખી દુનિયા આ જ શહેરનું બીજું ચિત્ર જોઈ રહી છે. હોલીવુડ, જે એક સમયે પોતાની ફિલ્‍મોથી પડદા પર આગ લગાવતું હતું, તે આજે પોતે જ આગની ઝપેટમાં છે. માત્ર ૭ દિવસમાં, ૩ લાખ ૨૧ હજાર એકર વિસ્‍તાર ધરાવતા લોસ એન્‍જલસે પોતાની આંખોથી ૪૦ હજાર એકર જમીનને રાખ થતી જોઈ. આ આગને કારણે ઘણા મોટા સ્‍ટાર્સ બેઘર થઈ ગયા. હજારો ઘરો બળીને રાખ થઈ ગયા. માત્ર સાત દિવસ ચાલેલી આ આગમાં આશરે ૨૫૦ અબજ યુએસ ડોલર એટલે કે ૨૦ લાખ કરોડ રૂપિયાની સંપત્તિનો નાશ થયો. આ રકમ ભારતના ૩ વર્ષના સંરક્ષણ બજેટ કરતાં ઘણી વધારે છે. લોસ એન્‍જલસ છેલ્લા સાત દિવસથી એટલે કે ૭ જાન્‍યુઆરીથી સળગી રહ્યું છે. આ સાથે, આ સળગતો પ્રશ્ન પણ પૂછવામાં આવી રહ્યો છે કે આ આગ સામે અમેરિકા લાચાર હોવાનું કારણ શું છે