નવી દિલ્‍હી, તા. ૧પ : દિલ્‍હી અને યુપી સહિત અનેક રાજ્‍યોમાં વરસાદના ઝાપટા બાદ ફરી ધુમ્‍મસ છવાઈ ગયું છે. દિલ્‍હી-એનસીઆર અને યુપીમાં ધુમ્‍મસની ચાદર છવાઈ ગઈ છે. મંગળવારે દિલ્‍હી અને આસપાસના વિસ્‍તારોમાં સૂર્યપ્રકાશથી ઠંડીથી પીડાતા લોકોને રાહત મળી. જોકે, સવારના સમયે ગાઢ ધુમ્‍મસ રહ્યું હતું, જેના કારણે ઇન્‍દિરા ગાંધી આંતરરાષ્‍ટ્રીય વિમાનમથક પર દૃશ્‍યતા શૂન્‍ય થઈ ગઈ હતી અને ફ્‌લાઇટ કામગીરીમાં અવરોધ ઉભો થયો હતો.

હરિયાણા અને પંજાબમાં ઠંડીનો પ્રકોપ ચાલુ છે. મંગળવારે મોગા ૩.૮ ડિગ્રી સેલ્‍સિયસ લઘુત્તમ તાપમાન સાથે સૌથી ઠંડુ સ્‍થળ હતું. પઠાણકોટમાં લઘુત્તમ તાપમાન ૪.૬ ડિગ્રી સેલ્‍સિયસ નોંધાયું હતું, જ્‍યારે ચંદીગઢમાં પારો સાત ડિગ્રી સેલ્‍સિયસ સુધી પહોંચ્‍યો હતો. કરનાલમાં લઘુત્તમ તાપમાન ૫.૨ ડિગ્રી સેલ્‍સિયસ નોંધાયું હતું.

લખનૌ સહિત ઉત્તર પ્રદેશના ઘણા જિલ્લાઓમાં ગાઢ ધુમ્‍મસના કારણે ઠંડીમાં વધારો થયો છે. જોકે, જેમ જેમ દિવસ આગળ વધતો ગયો, સૂર્યપ્રકાશ ધુમ્‍મસ દૂર કરતો ગયો અને રાહત આપતો ગયો. હવામાન વિભાગે બુધવાર અને ગુરુવારે રાજ્‍યના પૂર્વ અને પ?મિ ભાગોમાં હળવો ઝરમર વરસાદ પડવાની આગાહી કરી છે. ઘણા જિલ્લાઓમાં વીજળી પડવાની ચેતવણી પણ જારી કરવામાં આવી છે. ઇટાવા, મુઝફ્‌ફરનગર અને બુલંદશહેરમાં સાત ડિગ્રી સેલ્‍સિયસનું ન્‍યૂનતમ તાપમાન નોંધાયું હતું.

બિહારમાં ધુમ્‍મસના કારણે હવાઈ ફ્‌લાઇટ્‍સ અને ટ્રેનોની ગતિ પર અસર પડી. દરભંગા એરપોર્ટથી બધી ૧૨ ફ્‌લાઇટ્‍સ રદ કરવામાં આવી હતી, જ્‍યારે પટના એરપોર્ટ પર નબળી દૃશ્‍યતાને કારણે દિલ્‍હીથી આવતી ત્રણ ફ્‌લાઇટ્‍સને કોલકાતા તરફ વાળવામાં આવી હતી. બે ફ્‌લાઇટ્‍સનું સંચાલન રદ કરવામાં આવ્‍યું હતું.

ઉત્તરાખંડના મેદાની વિસ્‍તારોમાં છેલ્લા બે દિવસથી સૂર્યપ્રકાશને કારણે તાપમાનમાં વધારો થયો છે, પરંતુ સવાર અને સાંજ ઠંડી યથાવત છે. હવામાન વિભાગના જણાવ્‍યા અનુસાર, આજે દૂન સહિત રાજ્‍યના મોટાભાગના ભાગોમાં આંશિક વાદળછાયું વાતાવરણ અને હળવો વરસાદ પડી શકે છે.

હિમાચલ પ્રદેશમાં પﾍમિી વિક્ષોભ સક્રિય થયો છે અને ૨૦ જાન્‍યુઆરી સુધી મધ્‍યમ અને ચા પર્વતીય વિસ્‍તારોમાં વરસાદ અને હિમવર્ષાની શકયતા છે. જમ્‍મુ અને કાશ્‍મીરની ખીણમાં તીવ્ર ઠંડી ચાલુ છે, જ્‍યાં પહેલગામનું તાપમાન ઠંડક બિંદુથી ૭.૮ ડિગ્રી સેલ્‍સિયસ નીચે રહ્યું છે. ૧૮ જાન્‍યુઆરી સુધી રાજ્‍યમાં હળવા વાદળો રહેવાની શકયતા છે.