નાગપુર તા.૧૫: મનોવૈજ્ઞાનિકનું કામ કાઉન્‍સેલિંગ કરવાનું અને સાચી દિશા બતાવવાનું હોય છે, પરંતુ આવા જ એક મનોવૈજ્ઞાનિકે ઘણી છોકરીઓની જિંદગી બરબાદ કરી નાખી છે. રાજેશ ધોકે નામના મનોવિજ્ઞાનીએ કાઉન્‍સેલિંગના નામે ૧૫ વર્ષમાં ૫૦ સગીરાઓ પર દુષ્‍કર્મ આચર્યું હોવાનું બહાર આવતા ખળભળાટ મચી ગયો છે.

આ મામલો મહારાષ્‍ટ્રના નાગપુરનો છે, જ્‍યાં એક મનોવૈજ્ઞાનિક છેલ્લા ૧૫ વર્ષથી ૫૦થી વધુ વિદ્યાર્થીઓને બ્‍લેકમેઈલિંગ અને યૌન શોષણ કરી રહ્યો હતો. આ મનોવૈજ્ઞાનિકની ઉંમર ૪૭ વર્ષની છે અને તે બે દીકરીઓનો પિતા છે. તે બાળકોનું કાઉન્‍સેલિંગ કરતો. તે ભંડારા અને ગોંદિયા જિલ્લા જેવા ગ્રામીણ વિસ્‍તારોમાંથી આવતા બાળકોને સેશન આપતો. તેમજ ‘કાઉન્‍સેલિંગ કેમ્‍પ'ના નામે તે છોકરા-છોકરીઓને બહાર લઈ જઈ ગરીબ છોકરીઓ પર બળાત્‍કાર કરતો હતો.

આરોપીના કારનામા આટલા સુધી સીમિત નથી, તેણે તેના વિસ્‍તારમાં ઘણી મહિલાઓની છેડતી પણ કરી છે. આના CCTV ફૂટેજ પણ સામે આવ્‍યા છે અને પોલીસે આ મામલે FIR નોંધી છે. તેના આ કળત્‍યને કારણે તેને ઘણી વખત રસ્‍તા વચ્‍ચે માર પણ મારવામાં આવ્‍યો છે. આમ છતાં રાજેશ ધોકેએ પોતાની પ્રવળતિઓ છોડી ન હતી.

આ મામલો ત્‍યારે પ્રકાશમાં આવ્‍યો જ્‍યારે આરોપી એક મહિલાને બ્‍લેકમેલ કરતો હતો અને તેને મળવા વારંવાર બોલાવતો હતો અને મહિલા કંટાળી ગઈ હતી અને પોલીસ પાસે ગઈ હતી. પોલીસે આરોપી રાજેશ વિરુદ્ધ પ્રોટેક્‍શન ઓફ ચિલ્‍ડ્રન ફ્રોમ સેક્‍સ્‍યુઅલ ઓફેન્‍સ (POCSO) એક્‍ટ અને અનુસૂચિત જાતિ અને અનુસૂચિત જનજાતિ (અત્‍યાચાર નિવારણ) અધિનિયમ હેઠળ ત્રણ અલગ-અલગ કેસ નોંધ્‍યા છે.

મામલાની ગંભીરતાને ધ્‍યાનમાં લઈને પોલીસે એક ખાસ કમિટી પણ બનાવી છે અને પીડિત યુવતીઓ અને મહિલાઓને આરોપી રાજેશ ધોકે વિરુદ્ધ ફરિયાદ નોંધાવવા માટે અપીલ કરી રહી છે, કારણ કે પોલીસ પણ માને છે કે આરોપી કાઉન્‍સેલિંગ કેમ્‍પમાં ગયો હતો આના નામ પર ૧૫ વર્ષથી ઘણી મહિલાઓ અને છોકરીઓને તેનો શિકાર બનાવવામાં આવી હશે.