નવી દિલ્હી :ડોનાલ્ડ ટ્રમ્પ 20 જાન્યુઆરીએ અમેરિકાના રાષ્ટ્રપતિ તરીકે શપથ લેશે. ટ્રમ્પના શપથ ગ્રહણ સમારોહમાં દુનિયાભરની હસ્તીઓ આવશે. શપથ ગ્રહણ સમારોહ વર્જિનિયામાં ટ્રમ્પ નેશનલ ગોલ્ફ ક્લબ ખાતે યોજાશે. ડોનાલ્ડ ટ્રમ્પ અમેરિકાના 40માં રાષ્ટ્રપતિ તરીકે શપથ લેશે. તેમણે અગાઉ 2017 અને 2021 વચ્ચે રાષ્ટ્રપતિ તરીકે સેવા આપી હતી.

શપથ ગ્રહણ સમારોહમાં રિલાયન્સ ઈન્ડસ્ટ્રીઝના ચેરમેન મુકેશ અંબાણી અને રિલાયન્સ ફાઉન્ડેશનના સ્થાપક અને ચેરપર્સન નીતા અંબાણી પણ હાજરી આપશે. આ પાવર કપલ સમારોહમાં આગવું સ્થાન મેળવશે. તેઓ ટ્રમ્પના કેબિનેટના નોમિની અને નવા ચૂંટાયેલા અધિકારીઓ સહિત અન્ય મહેમાનો સાથે સ્ટેજ પર એકસાથે બેસશે. મુકેશ અંબાણી 18 જાન્યુઆરીએ વોશિંગ્ટન ડીસી પહોંચશે.

શપથ ગ્રહણની આગલી રાતે નીતા અને મુકેશ અંબાણી ચૂંટાયેલા પ્રમુખ ટ્રમ્પ સાથે 'કેન્ડલ લાઇટ ડિનર'માં હાજરી આપશે. કેબિનેટ રિસેપ્શન અને ઉપરાષ્ટ્રપતિનું ડિનર પણ હશે જેમાં અંબાણી હાજરી આપશે. ભારતના વિદેશ પ્રધાન એસ જયશંકર સહિત ક્વોડ વિદેશ પ્રધાનો પણ ઉદ્ઘાટનમાં હાજરી આપશે. માર્ક ઝુકરબર્ગ ઉજવણી માટે રિપબ્લિકન મેગા-ડોનર મિરિયમ એડેલસન સાથે બ્લેક-ટાઈ રિસેપ્શનનું આયોજન કરી રહ્યા છે. આ રિસેપ્શનમાં અંબાણી પરિવાર પણ હાજરી આપે તેવી શક્યતા છે.

આ ઈવેન્ટમાં ઘણા હાઈ-પ્રોફાઈલ હાજરી આપશે અને ભારતીય બિઝનેસ ટાયકૂન ગેસ્ટ લિસ્ટમાં સૌથી નોંધપાત્ર નામોમાંનું એક હશે. ભૂતપૂર્વ અબજોપતિ એલોન મસ્ક, એમેઝોનના સ્થાપક જેફ બેઝોસ અને મેટા ચીફ માર્ક ઝકરબર્ગ ઉપરાંત, ટેક જાયન્ટ્સ પણ આ ઇવેન્ટમાં હાજરી આપી રહ્યા છે. ફ્રેન્ચ અબજોપતિ અને ટેક ઉદ્યોગસાહસિક ઝેવિયર નીલ તેમની પત્ની સાથે હાજરી આપશે.