છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
પગારદાર વર્ગને મોટી રાહત મળશે ! ૧૦ લાખ સુધીની આવક કરમુક્ત?
૨૫%નો નવો સ્લેબ આવશે ? : આગામી બજેટમાં રિબેટમાં વધુ વધારો થઈ શકે છે, જેનાથી રૂ.૧૦ લાખ સુધીની આવક કરમુક્ત થઈ શકે છે
નવી દિલ્હી, તા.૨૨: નાણામંત્રી નિર્મલા સીતારમણ ૧ ફેબ્રુઆરીએ રજૂ થનારા બજેટ ૨૦૨૫-૨૬માં આવકવેરા સ્લેબમાં ફેરફાર કરી શકે છે. આ ફેરફારોથી વાર્ષિક ૨૦ લાખ રૂપિયા સુધીની કમાણી કરતા પગારદાર કરદાતાઓને મોટી રાહત મળે તેવી શકયતા છે. સરકાર હાલમાં બે વિકલ્પો પર વિચાર કરી રહી છે. પ્રથમ, ૧૦ લાખ રૂપિયા સુધીની વાર્ષિક આવકને સંપૂર્ણપણે કરમુક્ત બનાવવી. બીજું, ૧૫ થી ૨૦ લાખ રૂપિયાની આવક પર ૨૫% નો નવો ટેક્સ સ્લેબ રજૂ કરવો.
હાલમાં ૧૫ લાખ રૂપિયાથી વધુની આવક પર ૩૦% ટેક્સ લાગે છે. એક સરકારી સૂત્રના જણાવ્યા અનુસાર, સરકાર આ બંને વિકલ્પો પર વિચાર કરી રહી છે અને જો બજેટ પરવાનગી આપે તો બંનેનો અમલ કરી શકાય છે. આ માટે સરકાર ૫૦,૦૦૦ કરોડ રૂપિયાથી ૧ લાખ કરોડ રૂપિયા સુધીના મહેસૂલ નુકસાનનો સામનો કરવા તૈયાર છે.
આ કર રાહત શહેરી વપરાશને વધારવામાં મદદ કરી શકે છે, ખાસ કરીને જ્યારે GDP વળદ્ધિ ધીમી પડી રહી હોય. નાણાકીય વર્ષ ૨૫ ના બીજા ક્વાર્ટરમાં GDP વળદ્ધિ દર ૫.૪% રહ્યો, જે સાત ક્વાર્ટરમાં સૌથી ઓછો છે. આવા સમયે, કર છૂટછાટો લોકોની ખર્ચ ક્ષમતામાં વધારો કરશે, જે અર્થતંત્રને મજબૂત બનાવશે.
આ પહેલી વાર નથી જ્યારે સરકારે કરદાતાઓને રાહત આપવાનો -યાસ કર્યો હોય. ૨૦૨૩ માં, નાણામંત્રીએ કલમ ૮૭A હેઠળ રિબેટ વધારીને નવી કર વ્યવસ્થામાં રૂ. ૭ લાખ સુધીની આવકને કરમુક્ત કરી હતી, જો કરદાતાઓએ મોટાભાગની કપાત છોડી દીધી હોય.
સૂત્રો કહે છે કે આગામી બજેટમાં નવી કર પ્રણાલી હેઠળ કર મુક્તિ મર્યાદામાં વધારો થઈ શકે છે, જેથી ૧૦ લાખ રૂપિયા સુધીની આવકને કરમુક્ત કરી શકાય.
હાલમાં, ૭૫,૦૦૦ રૂપિયાના સ્ટાન્ડર્ડ ડિડક્શન સાથે, ૭.૭૫ લાખ રૂપિયા સુધીની કમાણી કરનારાઓએ ટેક્સ ભરવાની જરૂર નથી.
પીડબલ્યુસી કન્સલ્ટન્ટ અને સેન્ટ્રલ બોર્ડ ઓફ ડાયરેક્ટ ટેક્સ (CBDT) ના ભૂતપૂર્વ સભ્ય અખિલેશ રંજન કહે છે કે સરકારે ૧૫ લાખ રૂપિયાથી ૨૦ લાખ રૂપિયાની આવક ધરાવતા લોકો માટે ૨૫્રુ ટેક્સ સ્લેબ રજૂ કરવો જોઈએ. આના કારણે લોકો પાસે વધુ પૈસા હશે, જેના કારણે વપરાશ વધશે. તેમણે કહ્યું, ૅઆ એ જ લોકો છે જે રેફ્રિજરેટર, ટીવી જેવા કન્ઝ્યુમર ડ્યુરેબલ ઉત્પાદનો ખરીદે છે.
ઇન્સ્ટિટયૂટ ફોર એડવાન્સ્ડ સ્ટડીઝ ઇન કોમ્પ્લેક્સ ચોઇસ (IASCC) ના પ્રોફેસર અનિલ કે સૂદના મતે, ૧૫ લાખ રૂપિયાથી થોડી વધુ આવક પર ૩૦% નો કર દર અન્યાયી છે.
તેમણે કહ્યું કે સરકારે પગારદાર વર્ગને રાહત આપવી જોઈએ પરંતુ હાલના પ્રોત્સાહનોમાં ફેરફાર કર્યા વિના. સૂદે એમ પણ કહ્યું, ઙ્કસરકાર રાજકોષીય ખાધના લક્ષ્ય પર વધુ ધ્યાન કેન્દ્રિત કરી રહી છે. મૂડીખર્ચ (મૂડી ખર્ચ) ના કિસ્સામાં તે બજેટ બનાવે છે પણ ખર્ચ કરતું નથી. ઉદાહરણ તરીકે, નેશનલ હાઇવે ઓથોરિટી ઓફ ઇન્ડિયા પાસે ભંડોળ છે, પરંતુ તે પૈસા ખર્ચવાને બદલે લોન ચૂકવવા માટે વાપરી રહ્યું છે.
(2:56 PM IST)
