કાર પલટી જવાથી પતિનું મોત... માત્ર ૧ કલાક પછી પત્નિએ દીકરીને જન્મ આપ્યો
દીકરીના જન્મના થોડા કલાકો પહેલા જ તેના માથા પરથી પિતાનો પડછાયો ગાયબ થઈ ગયો
ભોપાલ, તા.૨૩: મધ્યપ્રદેશની રાજધાની ભોપાલમાં એક એવી ઘટના સામે આવી છે જેણે બધાને આશ્ચર્યચકિત કરી દીધા છે. ભાગ્યે જ કોઈએ આ પહેલાં જોયું કે સાંભળ્યું હશે. અહીં, કારમાં મુસાફરી કરી રહેલા એક પતિનું અકસ્માતમાં મળત્યુ થયું, જ્યારે તેની ગર્ભવતી પત્ની માત્ર અકસ્માતમાં બચી ગઈ એટલું જ નહીં પરંતુ તેના પતિના મળત્યુના એક કલાક પછી તેણે એક પુત્રીને જન્મ પણ આપ્યો.
આ ઘટના લાલઘાટ સ્થિત હલાલપુર બસ સ્ટેન્ડ પર બની હતી. જ્યાં એક કાર ડિવાઇડર સાથે અથડાઈને પલટી ગઈ અને આ અકસ્માતમાં કાર ચલાવી રહેલા મહેન્દ્ર મેવાડા અને તેમના સાળા સતીશ મેવાડાનું મોત નીપજ્યું.
પોલીસના જણાવ્યા અનુસાર, રાતીબાડના રહેવાસી મહેન્દ્ર મેવાડાની પત્ની બબલી ગર્ભવતી હતી અને મંગળવારે મોડી રાત્રે જ્યારે તેણીને પ્રસૂતિ પીડા થઈ ત્યારે મહેન્દ્ર તેની પત્ની સાથે કારમાં ભોપાલ જવા રવાના થયો હતો. મહેન્દ્ર અને બબલી સાથે, મહેન્દ્રની માતા, કાકી અને સાળી પણ કારમાં હતા.
કુદરતની વિડંબના જુઓ કે જ્યારે ડોક્ટરોએ મહેન્દ્રને મળત જાહેર કર્યો, ત્યારે લગભગ એક કલાક પછી તેની પત્ની બબલીએ મોડી રાત્રે એક પુત્રીને જન્મ આપ્યો. દીકરીના જન્મના થોડા કલાકો પહેલા જ તેના માથા પરથી પિતાનો પડછાયો ગાયબ થઈ ગયો હતો. હાલમાં માતા અને બાળક બંને સંપૂર્ણપણે સુરક્ષિત છે. ગામમાં દીકરીના જન્મની ખુશી ઉજવી શકાતી હતી, તે પહેલાં બે અંતિમયાત્રાને કારણે આખું ગામ શોકમાં ડૂબી ગયું છે
(10:57 AM IST)
છેલ્લા 8 દિવસમાં સૌથી લોકપ્રિય 
