નવી દિલ્હી :આમ આદમી પાર્ટીના કન્વીનર અરવિંદ કેજરીવાલને આપવામાં આવેલી પંજાબ પોલીસની સુરક્ષા હટાવી લેવામાં આવી છે. પંજાબના ડીજીપી ગૌરવ યાદવે કહ્યું છે કે ચૂંટણી પંચ અને દિલ્હી પોલીસના નિર્દેશો પર કેજરીવાલની સુરક્ષા માટે તૈનાત પંજાબ પોલીસના જવાનોને પાછા બોલાવવામાં આવ્યા છે.

પંજાબ ડીજીપીએ કહ્યું કે અમે કેજરીવાલની સુરક્ષાને લઈને ચિંતિત છીએ અને તેથી જ અમે દિલ્હી પોલીસ સાથે માહિતી શેર કરી રહ્યા છીએ અને તેમની સાથે વાત કરી રહ્યા છીએ. દરમિયાન સંજય સિંહે આરોપ લગાવ્યો છે કે દિલ્હી પોલીસના કહેવા પર કેજરીવાલની સુરક્ષા બળજબરીથી ઘટાડવામાં આવી છે.

પંજાબ પોલીસના મહાનિર્દેશક ગૌરવ યાદવે કહ્યું કે અમને સમયાંતરે પંજાબના સીએમ ભગવંત માન અને અરવિંદ કેજરીવાલને ધમકીઓના અહેવાલો મળતા રહે છે અને અમે તેને સંબંધિત એજન્સીઓ સાથે પણ શેર કરીએ છીએ. તેમણે કહ્યું કે દિલ્હી પોલીસ અને ચૂંટણી પંચના નિર્દેશોને પગલે અમે અરવિંદ કેજરીવાલની સુરક્ષામાં લાગેલા પંજાબ પોલીસના જવાનોને પાછા ખેંચી લીધા છે. તેમણે કહ્યું કે અમે દિલ્હી પોલીસ સાથે અમારા ઇનપુટ્સ શેર કરવાનું ચાલુ રાખીશું.

આમ આદમી પાર્ટીના નેતા સંજય સિંહ અરવિંદ કેજરીવાલની સુરક્ષામાં લાગેલા પંજાબ પોલીસ કર્મચારીઓને હટાવવાથી નારાજ થયા હતા. તેમણે કહ્યું કે આજે દિલ્હી પોલીસે અરવિંદ કેજરીવાલની પંજાબ પોલીસની સુરક્ષા બળજબરીથી હટાવી દીધી છે. અરવિંદ કેજરીવાલ જે બ્લોક કાલી બારી માર્ગ પર સભા કરી રહ્યા છે અને ત્યાં લાકડીઓ સાથે ગુંડાઓ પહેલેથી જ હાજર છે.