પ્રજાસત્તાક દિવસ પર ૯૪૨ સૈનિકોને વીરતા પુરસ્કાર એવોર્ડથી સન્માનીત કરાશે
શૌર્ય પુરસ્કાર વિજેતાઓમાં ૨૮ કર્મચારીઓ નકસલ પ્રભાવિત વિસ્તારોમાં તૈનાત
નવી દિલ્હી, તા.૨૫: પ્રજાસત્તાક દિવસની પૂર્વસંધ્યાએ, રાષ્ટ્રપતિ દ્રૌપદી મુર્મુ કુલ ૯૪૨ પોલીસ, ફાયર અને નાગરિક સુરક્ષા સૈનિકોને શૌર્ય અને સેવા ચંદ્રકોથી સન્માનિત કરશે. આ મેડલ વિવિધ શ્રેણીઓમાં આપવામાં આવશે, જેમાં ૯૫ વીરતા મેડલનો સમાવેશ થાય છે. આજે જારી કરાયેલા એક સરકારી નિવેદનમાં આ માહિતી આપવામાં આવી હતી. કેન્દ્રીય ગળહ મંત્રાલયે કહ્યું છે કે પુરસ્કાર મેળવનારાઓમાં પોલીસ, ફાયર, હોમગાર્ડ અને નાગરિક સંરક્ષણ કર્મચારીઓ તેમજ સુધારાત્મક સેવાઓમાં કામ કરતા લોકોનો સમાવેશ થાય છે.ગળહ મંત્રાલયના નિવેદન અનુસાર, શૌર્ય પુરસ્કાર વિજેતાઓમાં ૨૮ સૈનિકો નક્સલ પ્રભાવિત વિસ્તારોમાં તૈનાત છે. ૨૮ સૈનિકો જમ્મુ અને કાશ્મીર ક્ષેત્રમાં અને ત્રણ ઉત્તર-પૂર્વ ક્ષેત્રમાં સેવા આપી રહ્યા છે. તે જ સમયે, દેશના અન્ય ભાગોમાં સેવા આપતા ૩૬ અન્ય કર્મચારીઓને પણ બહાદુરી પુરસ્કારોથી સન્માનિત કરવામાં આવશે.
૧૦૧ રાષ્ટ્રપતિ મેડલ ફોર ડિસ્ટિન્ગ્વિશ્ડ સર્વિસ (પીએસએમ)માંથી ૮૫ મેડલ પોલીસ કર્મચારીઓને, પાંચ ફાયર સર્વિસ કર્મચારીઓને, સાત સિવિલ ડિફેન્સ અને હોમગાર્ડ કર્મચારીઓને અને ચાર સુધારાત્મક સેવાઓ કર્મચારીઓને એનાયત કરવામાં આવશે.
(3:30 PM IST)
છેલ્લા 8 દિવસમાં સૌથી લોકપ્રિય 
