નવી દિલ્‍હીઃ આજે ગણતંત્ર દિવસે અવસરે રાષ્‍ટ્રપતિ દૌપદ્દી મુર્મના હસ્‍તે ધ્‍વજવંદન કરાયું હતું. 300 કલાકારોએ પરંપરાગત સંગીતનાં સાધનો સાથે સારે જહાં સે અચ્છા…ની ધૂન સાથે પરેડની શરૂઆત કરી હતી. આ પછી પરેડ કમાન્ડર લેફ્ટનન્ટ જનરલ અવનીશ કુમારે સલામી આપી હતી. આ સાથે 76માં પ્રજાસત્તાક દિવસની પ્રથમ હવાઈ રચના, 'ધ્વજ રચના'. 129 હેલિકોપ્ટર યુનિટના Mi-17 1V હેલિકોપ્ટર આકાશમાંથી રાષ્ટ્રધ્વજ તેમજ આર્મી, નેવી અને એરફોર્સના સંબંધિત સેવા ધ્વજ સાથે ઉડી રહ્યા છે અને પુષ્પવર્ષા કરી રહ્યા છે.

ભારતના 76મા પ્રજાસત્તાક દિવસની ઉજવણીમાં, ભારતીય સેનાની એક ભવ્ય કૂચ કર્તવ્ય પથ પર નીકળી હતી, જે સમગ્ર દેશવાસીઓ માટે ગર્વની ક્ષણ હતી. આ પ્રસંગે ભારતીય સેનાની વિવિધ રેજિમેન્ટ્સ અને યુનિટોએ તેમની તાકાત અને એકતાનું પ્રદર્શન કર્યું હતું. પ્રજાસત્તાક દિવસની પરેડની શરૂઆત માઉન્ટેડ કોલમથી થઈ હતી, જેની આગેવાની 61 કેવેલરી હતી. આ કૉલમનું નેતૃત્વ લેફ્ટનન્ટ અહાન કુમારે કર્યું હતું. ત્યારબાદ, નવ યાંત્રિક સ્તંભો અને નવ માર્ચિંગ ટુકડીઓએ તેમની હાજરીનો અનુભવ કરાવ્યો, જેમાં ભારતીય સેનાની વિવિધ મુખ્ય ટુકડીઓના ભાગોનો સમાવેશ થાય છે.

પરેડમાં ભાગ લેનાર મુખ્ય ટુકડીઓમાં ગાર્ડ્સ બ્રિગેડ, જાટ રેજિમેન્ટ, ગઢવાલ રાઇફલ્સ, મહાર રેજિમેન્ટ, જમ્મુ અને કાશ્મીર રાઇફલ્સ રેજિમેન્ટ અને સિગ્નલ કોર્પ્સ જેવા અગ્રણી અને પ્રતિષ્ઠિત એકમોનો સમાવેશ થાય છે. આ ટુકડીઓએ અદ્ભુત સમર્પણ અને શિસ્ત સાથે કર્તવ્ય પથ પર કૂચ કરી, જે ભારતીય સેનાની તાકાત અને હિંમતનું પ્રતીક છે.

પ્રલય મિસાઈલ પ્રથમ વખત કર્તવ્ય પર જોવા મળી. તે દુશ્મનની લડાયક ક્ષમતાને નષ્ટ કરવામાં સક્ષમ છે. તે એવિઓનિક્સ અને માર્ગદર્શન પ્રણાલીમાંથી વિકસાવવામાં આવ્યું છે. તે સપાટીથી સપાટી પરનું હથિયાર છે. તેની રેન્જ 400 કિમીથી વધુ છે.