નવી દિલ્હી : વેસ્ટર્ન ડિસ્ટર્બન્સ હવામાનની પેટર્નને બદલશે. 29મીથી 1લી ફેબ્રુઆરી વચ્ચે ઉત્તર પશ્ચિમ ભારતમાં વરસાદની શક્યતા બની શકે છે. આ સિવાય તમિલનાડુ, પુડુચેરી, કરાઈકલ, કેરળ, માહે, કોસ્ટલ આંધ્રપ્રદેશ, યાનમ, રાયલસીમા વગેરેમાં આગામી બે દિવસમાં વરસાદ પડી શકે છે.

   છેલ્લા 24 કલાકના હવામાનની વાત કરીએ તો, હિમાચલ પ્રદેશ, હરિયાણા અને પંજાબમાં શીત લહેર જોવા મળી હતી. તે જ સમયે, પૂર્વીય યુપી, ઓડિશા, આસામ, મેઘાલય, ઉપ-હિમાલયન પશ્ચિમ બંગાળ, ત્રિપુરામાં ખૂબ ગાઢ ધુમ્મસ જોવા મળ્યો છે. 

  હવામાન વિભાગે કહ્યું કે, બે નવા વેસ્ટર્ન ડિસ્ટર્બન્સના કારણે પહાડી રાજ્યોમાં 29 જાન્યુઆરીથી 1 ફેબ્રુઆરી દરમિયાન અને ત્યારબાદ ઉત્તર ભારતના મેદાની વિસ્તારોમાં 30 જાન્યુઆરીથી 1 ફેબ્રુઆરી દરમિયાન વરસાદ પડશે.