<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Tuesday, 28th January 2025

દિલ્‍હી સહિત ઉત્તર ભારતમાં ઠંડી ઘટીઃ ધુમ્‍મસ-વરસાદની ચેતવણી

મિશ્ર હવામાન યથાવતઃ કાશ્‍મીરમાં દિવસે ગરમી અને રાત્રે ઠંડીઃ કાલથી વરસાદની આગાહી

નવી દિલ્‍હી તા. ર૮ :.. : હવામાન વિભાગના જણાવ્‍યા અનુસાર, આ અઠવાડિયે દિલ્‍હી-એનસીઆરમાં ધુમ્‍મસની અસર રહેશે. આગામી થોડા દિવસોમાં યુપી-બિહાર, દિલ્‍હી-એનસીઆર સહિત કેટલાક વિસ્‍તારોમાં વરસાદની ચેતવણી પણ આપવામાં આવી છે. આ બે પヘમિ દિલ્‍હીનું હવામાન

આ વખતે હવામાન અદ્વુત છે. દિવસ દરમિયાન ગરમી હોય છે અને રાત ઠંડી હોય છે. એવું લાગે છે કે દિલ્‍હી સહિત સમગ્ર NCRમાં લોકો ખૂબ મજા કરી રહ્યા છે. આનું કારણ એ છે કે રાજધાની જે ઠંડી માટે જાણીતી છે તે આ વખતે દેખાતી નથી. હવે લોકો ગરમીથી ચિંતિત થવા લાગ્‍યા છે. તેમનું કહેવું છે કે જો પરિસ્‍થિતિ આવી જ રહેશે તો મે-જૂનમાં કેવા પ્રકારની ગરમી પડશે.

રાજસ્‍થાન હવામાન વિભાગના જણાવ્‍યા અનુસાર, છેલ્લા ૨૪ કલાકમાં રાજ્‍યમાં અલગ અલગ સ્‍થળોએ ઠંડીનું મોજું નોંધાયું હતું. આ સમયગાળા દરમિયાન, સાંગારિયા અને સીકરમાં લઘુત્તમ તાપમાન ૧.૪ ડિગ્રી સેલ્‍સિયસ, લુંકરનસરમાં ૨.૭ ડિગ્રી, નાગૌરમાં ૨.૮ ડિગ્રી, કરૌલીમાં ૨.૯ ડિગ્રી અને પિલાનીમાં ૩.૭ ડિગ્રી સેલ્‍સિયસ નોંધાયું હતું. રાજ્‍યના એકમાત્ર હિલ સ્‍ટેશન માઉન્‍ટ આબુમાં ૪ ડિગ્રી સેલ્‍સિયસ તાપમાન નોંધાયું હતું. આગામી દિવસોમાં અહીં હવામાનમાં કોઈ ખાસ ફેરફાર થવાની શકયતા નથી.

કાશ્‍મીરમાં શુષ્‍ક હવામાનને કારણે, દિવસે ગરમી અને રાત્રે ઠંડી હોય છે અને હવામાન વિભાગે ૨૯ જાન્‍યુઆરીથી વરસાદની આગાહી કરી છે. હવામાન વિભાગે જણાવ્‍યું હતું કે રવિવારે રાત્રે શ્રીનગરમાં લઘુત્તમ તાપમાન માઈનસ ૫.૫ ડિગ્રી સેલ્‍સિયસ નોંધાયું હતું, જ્‍યારે ગઈકાલે રાત્રે માઈનસ ૫.૬ ડિગ્રી સેલ્‍સિયસ હતું. દક્ષિણ કાશ્‍મીરમાં વાર્ષિક અમરનાથ યાત્રા માટેના બેઝ કેમ્‍પ પૈકીના એક, પહેલગામમાં લઘુત્તમ તાપમાન માઈનસ ૬.૪ ડિગ્રી સેલ્‍સિયસ નોંધાયું હતું, જે ગઈ રાત્રે માઈનસ ૭ ડિગ્રી સેલ્‍સિયસ હતું.

(2:44 PM IST)