તા. ૧૭ નવેમ્બર ર૦ર૬ વિક્રમ સંવત ર૦૮૩ કારતક સુદ – ૮ મંગળવાર
News of Tuesday, 28th January 2025
વિદેશી યુવતિ, દેશી યુવકે મહાકુંભમાં કર્યા લગ્નઃ સાધુ સંત બન્યા જાનૈયા
ટુરીઝમ મેનેજમેન્ટ કરેલ ગ્રીક યુવતિ પેનલોપ ભારતના સિધ્ધાર્થને થાઇલેન્ડમાં યોગ શીખવા દરમિયાન મળેલ

પ્રયાગરાજ, તા.ર૮: પ્રયાગરાજમાં આયોજિત સંપૂર્ણ મહાકુંભનો ભવ્ય નજારો દરરોજ જોવા મળી રહ્યો છે. અહીં એક ભારતીય યુવકે તેની ગ્રીક ગર્લફ્રેન્ડ સાથે લગ્ન કર્યા છે. બંનેના લગ્ન હેડલાઇન્સમાં છે. ગ્રીસથી પેનેલોપ તેની માતા સાથે પ્રયાગરાજના મહાકુંભમાં આવી છે. મહાકુંભની શરૂઆતથી જ તેઓ અહીં છે.
ઐતિહાસિક કાર્યક્રમમાં, ગ્રીસના પેનેલોપ અને ભારતના સિદ્ધાર્થ શિવ ખન્ના હિન્દુ વૈદિક પરંપરાઓ અનુસાર લગ્ન કર્યા. સાધુઓ અને સંતો લગ્નના મહેમાન બન્યા અને જુના અખાડાના મહામંડલેશ્વર યતીન્દ્રાનંદ ગિરીએ કન્યાનું વિદાયવિધિ કરી. ૨૬ જાન્યુઆરીના રોજ થયેલા આ લગ્નમાં આધ્યાત્મિક અને વૈદિક પરંપરાઓનું પાલન કરવામાં આવ્યું હતું.પેનેલોપે કહ્યું કે ટુરિઝમ મેનેજમેન્ટનો અભ્યાસ કર્યા પછી યોગમાં તેનો રસ વધ્યો. તે ૯ વર્ષ પહેલાં થાઇલેન્ડમાં યોગ શીખતી વખતે સિદ્ધાર્થને મળી હતી. ધીમે ધીમે બંને નજીક આવ્યા અને લગ્ન કરવાનું નક્કી કર્યું. આધ્યાત્મિક લગ્નનો અનુભવ પેનેલોપે કહ્યું, અમારા લગ્નમાં કોઈ ઢોંગ નહોતો. તે સંપૂર્ણપણે વૈદિક શાષાો અને આધ્યાત્મિક પરંપરાઓ પર આધારિત હતું.
(4:10 PM IST)









છેલ્લા 8 દિવસમાં સૌથી લોકપ્રિય 
