<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Wednesday, 29th January 2025

કુંભમેળામાં આજે મૌની અમાવસ્યા પર અખાડાઓનું અમૃત સ્નાન શરૂ, અત્યાર સુધીમાં 5 કરોડથી વધુ ભક્તોએ સંગમમાં સ્નાન કરી લીધું

રાત્રે અરાજકતા બાદ મહાકુંભના અખાડાઓએ અમૃત સ્નાન રદ કરી દીધું હતું,જોકે, હવે અમૃતસ્નાન માટે અખાડાઓ રવાના થઈ ગયા

પ્રયાગરાજ તા.૨૯ :  મૌની અમાવસ્યા પર અખાડાઓના અમૃત સ્નાનનો પ્રારંભ થયો છે. બીજી તરફ, સીએમ યોગીએ તમામ પૂજનીય સંતો, ભક્તો, રાજ્ય અને દેશના લોકોને અપીલ કરી છે કે તેઓ અફવાઓ પર ધ્યાન ન આપે, સંયમથી કામ કરે. રાત્રે અરાજકતા બાદ મહાકુંભના અખાડાઓએ અમૃત સ્નાન રદ કરી દીધું હતું. જોકે, હવે અમૃતસ્નાન માટે અખાડાઓ રવાના થઈ ગયા છે.

પૂર્વોત્તર રેલ્વેની તમામ ટ્રેનો પ્રયાગરાજ માટે રાબેતા મુજબ કાર્યરત છે, કોઈ ટ્રેન રદ કરવામાં આવી નથી. નોર્થ ઈસ્ટર્ન રેલવે, ગોરખપુરના સીપીઆરઓ પંકજ કુમાર સિંહે જણાવ્યું કે મહાકુંભમાં આવેલા શ્રદ્ધાળુઓની સુવિધા અને સુરક્ષિત પરત ફરવા માટે રેલવેએ ખાસ વ્યવસ્થા કરી છે. મુસાફરોની સલામતી અને સરળ મુસાફરી સુનિશ્ચિત કરવા માટે રેલવે પ્રશાસન સંપૂર્ણ રીતે સતર્ક છે. શ્રદ્ધાળુઓને કોઈપણ પ્રકારની અસુવિધા ન થાય તે માટે વધારાની સહાયક ટીમો તૈનાત કરવામાં આવી છે.

(3:43 PM IST)