તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ગેરકાયદેસર ઇમિગ્રન્ટ્સને જીવતા નર્ક‘ની સજા આપશે ટ્રમ્પ'
આતંકવાદીઓની જેલમાં ‘વ્યવસ્થા' થઈ રહી છે : ખતરનાક પ્લાન : અહીં અલકાયદાના છે અમેરિકામાં ગેરકાયદેસર ઇમિગ્રન્ટ્સની હાજરીથી ટ્રમ્પ કેટલા ગુસ્સે છે તેનો અંદાજ તેમના એક નિર્ણય પરથી સરળતાથી લગાવી શકાય છે. ટ્રમ્પે તેમના માટે ગ્વાન્ટાનામો બે જેલમાં વ્યવસ્થા કરવા કહ્યું છે
વોશીંગ્ટન, તા.૩૦: ગ્વાન્ટાનામો બે જેલને દુનિયાની નર્ક કહેવામાં આવે છે. ત્યાં મળતી યાતનાઓ એટલી બધી હોય છે કે એવું લાગે છે કે વ્યક્તિ જીવતો હોય ત્યારે નરકની સજા ભોગવી રહ્યો હોય. અમેરિકાના રાષ્ટ્રપતિ ડોનાલ્ડ ટ્રમ્પે ગેરકાયદેસર ઇમિગ્રન્ટ્સ સામે વધુ કડક કાર્યવાહી કરવાનો નિર્ણય લીધો છે. તેમણે ગેરકાયદેસર ઇમિગ્રન્ટ્સને રાખવાની વ્યવસ્થા કરવા અંગે મોટું નિવેદન આપ્યું છે. ટ્રમ્પે કહ્યું કે ગેરકાયદેસર ઇમિગ્રન્ટ્સને સૌથી ખતરનાક જેલ, ગ્વાન્ટાનામો ખાડીમાં રાખવામાં આવશે.
ચૂંટણી પ્રચારથી જ ટ્રમ્પ ગેરકાયદેસર ઇમિગ્રન્ટ્સના મુદ્દા પર ખૂબ જ કડક રહ્યા છે અને તેમને અમેરિકામાંથી હાંકી કાઢવા પર અડગ છે. આ કારણે તેમણે ઘણા દેશો પર ભારે ટેરિફ લાદવાની ધમકી પણ આપી હતી. વિઝા નિયંત્રણો લાદવામાં આવી રહ્યા છે. આ દરમિયાન, ટ્રમ્પે એક નવું નિવેદન આપ્યું છે. જે દર્શાવે છે કે ટ્રમ્પ ગેરકાયદેસર ઇમિગ્રન્ટ્સના મુદ્દા પર શાંત થવાના નથી.
ટ્રમ્પે કહ્યું છે કે ગેરકાયદેસર ઇમિગ્રન્ટ્સને ગ્વાન્ટાનામો ખાડીમાં રાખવા જોઈએ, જે વિશ્વની સૌથી ખતરનાક જેલ છે, જ્યાં ૯/૧૧ હુમલા પછી આતંકવાદી શંકાસ્પદોને રાખવામાં આવ્યા હતા. દુનિયાભરના લોકો આ જેલને નર્ક કહે છે. આ જેલને કારણે અમેરિકાને ઘણી વખત ટીકાઓનો સામનો કરવો પડ્યો છે.
ટ્રમ્પે કહ્યું છે કે તેઓ પેન્ટાગોન અને ગળહ સુરક્ષા વિભાગને ગુઆન્ટાનામો ખાડીમાં ૩૦,૦૦૦ સ્થળાંતરીઓ માટે રહેઠાણ પૂરું પાડવાનો નિર્દેશ આપતા એક એક્ઝિકયુટિવ ઓર્ડર પર હસ્તાક્ષર કરી રહ્યા છે. આ પગલાથી ગેરકાયદેસર ઇમિગ્રન્ટ્સને પકડવાની અમારી ક્ષમતા તાત્કાલિક બમણી થઈ જશે.
દુનિયામાં ઘણી ખતરનાક જેલો છે. પરંતુ આમાંથી, અમેરિકાની ગ્વાન્ટાનામો બે જેલને દુનિયાની નર્ક કહેવામાં આવે છે. આ જેલ અમેરિકાએ કયુબામાં બનાવી છે. આ જેલની ખાસિયત એ છે કે અહીં આવતા કેદીઓને લાંબા સમય સુધી કોઈ પણ સુનાવણી વિના રાખી શકાય છે. કારણ કે આ જેલ આતંકવાદીઓ અને તેમના શંકાસ્પદ લોકોને રાખવા માટે બનાવવામાં આવી હતી.
કેદીઓને શારીરિક અને માનસિક ત્રાસ આપવા માટે અહીં ઉપયોગમાં લેવાતી પદ્ધતિઓ એટલી ભયાનક છે કે તેમના વિશે સાંભળતા જ રૂંવાટી ઉડી જાય છે. અહીં કેદીઓને ખૂબ જ નાની જગ્યામાં સંપૂર્ણ અંધારામાં રાખવામાં આવે છે. તેમને સૂવાની મંજૂરી નથી.
૧૯૦૩માં બનેલી આ જેલમાં ફક્ત એવા લોકોને રાખવામાં આવ્યા છે જેમના પર આતંકવાદી પ્રવળત્તિઓમાં સામેલ હોવાની શંકા છે. પરંતુ આ જેલનો ભયાનક રેકોર્ડ જોઈને ભૂતપૂર્વ યુએસ રાષ્ટ્રપતિ બરાક ઓબામાએ તેને બંધ કરવાની વાત કરી હતી. અહીં સુરક્ષા વ્યવસ્થા એટલી કડક છે કે પક્ષી પણ અહીં પાંખો ઉડાડી શકતું નથી
(3:56 PM IST)
છેલ્લા 8 દિવસમાં સૌથી લોકપ્રિય 
