ઓડિશા, તા.ર,

ઓડિશાના ભદ્રક જિલ્લામાં શનિવારે એક ડમ્પર સાથે એમ્બ્યુલન્સની ટક્કર થતાં એક ૨૬ વર્ષીય વ્યક્તિ, તેના સંબંધી અને એમ્બ્યુલન્સ ડ્રાઇવરનું મૃત્યુ થયું હતું. તે આ વાહનમાં તેના પિતાના મૃતદેહને લઈ જઈ રહ્યો હતો. પોલીસે આ માહિતી આપી હતી.

પોલીસ અધિકારીઓએ જણાવ્યું કે ભદ્રક શહેરથી લગભગ ૧૬ કિમી દૂર મૈતાપુર નજીક નેશનલ હાઈવે ૧૬ પર અકસ્માત થયો હતો. મૃતકોની ઓળખ સંજય જેના (૨૬), સુધાંશુ જેના (૪૨) અને એમ્બ્યુલન્સ ડ્રાઈવર દિલીપ સિંહ (૪૩) તરીકે થઈ છે. સંજયની માતા સાબિત્રી જેનાને ગંભીર ઈજાઓ થઈ હતી અને તેમને ભોગરાઈ હોસ્પિટલમાં દાખલ કરવામાં આવ્યા હતા.

સંજયના પિતા દિબાકર જેનું શુક્રવારે રાત્રે કટકની એસસીબી મેડિકલ કોલેજ અને હોસ્પિટલમાં સારવાર દરમિયાન મૃત્યુ થયું હતું. જ્યારે તેઓ તેમના મૃતદેહને ભોગરાઈ પોલીસ સ્ટેશન વિસ્તારના પલાસિયા ગામમાં તેમના વતન લઈ જઈ રહ્યા હતા ત્યારે આ અકસ્માત થયો હતો. પોલીસે જણાવ્યું કે કેસ નોંધવામાં આવ્યો છે અને તપાસ ચાલુ છે.