પટનામાં છરી વડે હુમલાની ઘટના પ્રકાશમાં આવી છે. આ હુમલામાં ત્રણ લોકોના મોત થયા છે. આ હુમલામાં એક બાળક ઘાયલ થયો છે. પોલીસે એક આરોપીની ધરપકડ કરી લીધી છે અને બાકીની શોધ ચાલી રહી છે

બિહારના પટના જિલ્લાના એક ગામમાં એક વ્યક્તિએ કથિત રીતે એક મહિલા સહિત ત્રણ લોકોની છરી વડે હુમલો કરી હત્યા હતી. પોલીસે બુધવારે આ જાણકારી આપતા જણાવ્યું કે આ ઘટના સોમવારે રાત્રે અથમલગોલા વિસ્તારના થામ્બા ગામમાં બની હતી અને મૃતકોની ઓળખ સુજીત કુમાર, મનીષ કુમાર અને તેમની પત્ની કંચન દેવી તરીકે થઈ છે અને દંપતીનું બાળક પણ હુમલામાં ઘાયલ થયું છે. બારહના સબ ડિવિઝનલ પોલીસ અધિકારી અભિષેક સિંહે જણાવ્યું કે ચંદ્રભૂષણ કુમાર નામના વ્યક્તિની ધરપકડ કરવામાં આવી છે અને તેની પૂછપરછ કરવામાં આવી રહી છે. પોલીસ દ્વારા જારી કરવામાં આવેલા નિવેદન અનુસાર, માહિતી મળી હતી કે સોમવારે રાત્રે થામ્બા ગામમાં ચાર લોકોએ છરી વડે હુમલો કર્યો હતો અને તેમને પટના મેડિકલ કોલેજ અને હોસ્પિટલમાં દાખલ કરવામાં આવ્યા હતા.

અધિકારી અભિષેક સિંહે કહ્યું કે તપાસ દરમિયાન જાણવા મળ્યું કે નવીન કુમાર નામનો વ્યક્તિ પણ ઘાયલ થયો હતો, જેણે પૂછપરછ દરમિયાન જણાવ્યું કે ચાર-પાંચ લોકોએ લૂંટના ઈરાદે તેના પર હુમલો કર્યો અને મોબાઈલ ફોન પણ છીનવી લીધો હતો. તેમણે કહ્યું કે પોલીસ તપાસ દરમિયાન સ્થળ પરથી મોબાઈલ ફોન મળી આવ્યા બાદ નવીનનું નિવેદન શંકાસ્પદ બન્યું હતું. 

બારહના સબ-ડિવિઝનલ પોલીસ અધિકારીએ જણાવ્યું હતું કે, “તપાસમાં વધુ જાણવા મળ્યું છે કે નવીન કુમાર અને અન્ય લોકોએ થામ્બા ગામ પાસે સુજીત કુમારને મારી નાખવાના ઈરાદાથી હુમલો કર્યો હતો. પોલીસના જણાવ્યા અનુસાર પોલીસે એક આરોપીની ધરપકડ કરી લીધી છે અને અન્યની શોધ ચાલુ છે.