કેરળ,તા.૫

કેરળના કોલ્લમમાં એક ભયાનક માર્ગ અકસ્માત થયો જેમાં એક વૃદ્ધ દંપતીએ જીવ ગુમાવ્યો. આ અકસ્માતમાં ૭ લોકો ઘાયલ થયા છે. મહિલા તેના પતિને સારવાર માટે એમ્બ્યુલન્સમાં એક હોસ્પિટલથી બીજી હોસ્પિટલ લઈ જઈ રહી હતી. રસ્તામાં, મરઘીઓ ભરેલી ટ્રક એમ્બ્યુલન્સ સાથે અથડાઈ જેમાં બંને મુસાફરોના મોત થયા. ઘાયલોને હોસ્પિટલમાં દાખલ કરવામાં આવ્યા છે.

કોટ્ટારક્કરાના એમસી રોડ પર સદાનંદપુરમ ખાતે મધ્યરાત્રિ પછી આ અકસ્માત થયો હતો. મૃતકોની ઓળખ ૬૫ વર્ષીય થંપી અને તેમની પત્ની શ્યામલા તરીકે થઈ છે, જેઓ એમ્બ્યુલન્સમાં હતા. જ્યારે થંપીને એમ્બ્યુલન્સમાં હોસ્પિટલ લઈ જવામાં આવી રહ્યા હતા ત્યારે આ અકસ્માત થયો હતો. તેમને અદૂર જનરલ હોસ્પિટલમાંથી તિરુવનંતપુરમની એક ખાનગી હોસ્પિટલમાં ખસેડવામાં આવી રહ્યા હતા.

અકસ્માતગ્રસ્ત એમ્બ્યુલન્સમાં એમ્બ્યુલન્સ ડ્રાઈવર અને તેની પુત્રી સહિત કુલ પાંચ લોકો મુસાફરી કરી રહ્યા હતા. ટ્રકમાં ચાર લોકો હતા. ઘાયલોને તિરુવનંતપુરમ મેડિકલ કોલેજ અને કોટ્ટારક્કારા તાલુકા હોસ્પિટલમાં ખસેડવામાં આવ્યા હતા. અકસ્માત સમયે એમ્બ્યુલન્સ અડૂરથી તિરુવનંતપુરમ જઈ રહી હતી.

તમને જણાવી દઈએ કે ૩ દિવસ પહેલા ઓડિશામાં પણ આવી જ એક દુઃખદ ઘટના બની હતી. ભદ્રક જિલ્લામાં એક દુઃખદ માર્ગ અકસ્માત થયો, જેમાં એક ૨૬ વર્ષીય યુવક, તેના સાળા અને એમ્બ્યુલન્સ ડ્રાઈવર, જેઓ તેમના મૃત પિતાના મૃતદેહને લઈ જઈ રહ્યા હતા, તેમનું મૃત્યુ થયું. આ અકસ્માત ત્યારે થયો જ્યારે એમ્બ્યુલન્સ પાછળથી આવી રહેલા ડમ્પર સાથે અથડાઈ. અકસ્માતમાં મૃતક યુવકની માતા ગંભીર રીતે ઘાયલ થઈ હતી અને તેમને ભોગરાઈ હોસ્પિટલમાં દાખલ કરવામાં આવ્યા હતા. આ દુઃખદ અકસ્માત ભદ્રક શહેરથી લગભગ ૧૬ કિમી દૂર મૈથાપુર નજીક રાષ્ટ્રીય ધોરીમાર્ગ-૧૬ પર થયો હતો.