વારાણસી : લાલ બહાદુર ઇન્ટરનેશનલ એરપોર્ટથી વારાણસી-અમદાવાદ વચ્ચે અકાસા એરલાઇન્સની નવી ફ્લાઇટ સેવા 16 ફેબ્રુઆરીથી શરૂ થશે. આ હવાઈ માર્ગ પર અકાસાની આ પ્રથમ ફ્લાઇટ સેવા છે. પ્લેનની ટિકિટનું બુકિંગ શરૂ થઈ ગયું છે

   અકાસાના યુપી સેલ્સ હેડ રાહુલ સિંહે જણાવ્યું હતું કે અકાસા એરનું એરક્રાફ્ટ QP 1431 અમદાવાદથી સવારે 8.10 વાગ્યે ટેકઓફ કરશે અને સવારે 10.10 વાગ્યે વારાણસી પહોંચશે અને ત્યારપછી એ જ એરક્રાફ્ટ QP 1432 વારાણસીથી સવારે 10.45 વાગ્યે ટેકઓફ કરશે અને 12.45 વાગ્યે અમદાવાદ પહોંચશે.

  એર ઈન્ડિયા એક્સપ્રેસ ગુરુવારથી વારાણસી અને દિલ્હી વચ્ચે નવી ફ્લાઈટ શરૂ કરશે. DGCAએ મંજૂરી આપી દીધી છે. ફ્લાઈટનું શિડ્યુલ જાહેર થતાની સાથે જ ટિકિટ બુકિંગ પણ શરૂ થઈ ગયું છે.

  એરપોર્ટ અધિકારીઓના જણાવ્યા અનુસાર, એર ઈન્ડિયા એક્સપ્રેસ ફ્લાઈટ IX 1187 દિલ્હીથી સાંજે 7.35 વાગ્યે ઉપડશે અને રાત્રે 9.20 વાગ્યે વારાણસી પહોંચશે. ત્યારપછી એ જ એરક્રાફ્ટ IX 1203 બનશે અને વારાણસીથી રાત્રે 9.50 વાગ્યે ટેકઓફ કરશે અને 11.25 વાગ્યે દિલ્હી પહોંચશે.