તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
હવે મુકેશ અંબાણીએ ‘સ્પિનર' લોન્ચ કર્યું છેઃ સ્પોર્ટ્સ ડ્રિંક ફક્ત ૧૦ રૂપિયામાં મળશે
કંપનીએ દિગ્ગજ સ્પિનર મુથૈયા મુરલીધરન સાથે મળીને સ્પિનર સ્પોર્ટ્સ ડ્રિંક લોન્ચ કર્યું: મુકેશ અંબાણીની કંપની રિલાયન્સ કન્ઝ્યુમર પ્રોડક્ટ્સ લિમિટેડ (RCPL) હવે સ્પોર્ટ્સ ડ્રિંક્સ બનાવશે
નવી દિલ્હી, તા.૧૧: રિટેલ અને ટેલિકોમ સેક્ટરમાં ધમાલ મચાવ્યા બાદ, મુકેશ અંબાણીની કંપની રિલાયન્સે હવે સ્પોર્ટ્સ ડ્રિંક માર્કેટમાં પોતાનું સ્થાન બનાવ્યું છે. રિલાયન્સ કન્ઝ્યુમર પ્રોડક્ટ્સ લિમિટેડે સોમવારે સ્પિનર નામનું સ્પોર્ટ્સ ડ્રિંક લોન્ચ કર્યું. કંપનીએ આ પીણું દિગ્ગજ ક્રિકેટર મુથૈયા મુરલીધરનની કંપની સાથે મળીને બનાવ્યું છે. આ પીણાની ખાસ વાત એ છે કે કંપનીએ તેની કિંમત માત્ર ૧૦ રૂપિયા નક્કી કરી છે.
કંપનીએ જણાવ્યું હતું કે આ સ્પોર્ટ્સ ડ્રિંક આગામી ૩ વર્ષમાં ઼૧ બિલિયનનું સ્પોર્ટ્સ બેવરેજ માર્કેટ બનાવવામાં મદદ કરશે. કંપનીએ સ્પિનર ડ્રિંકને લોક-યિ બનાવવા અને તેનું વેચાણ વધારવા માટે લખનૌ સુપર જાયન્ટ્સ, સનરાઇઝર્સ હૈદરાબાદ, પંજાબ કિંગ્સ, ગુજરાત ટાઇટન્સ અને મુંબઈ ઇન્ડિયન્સ જેવી IPL ટીમો સાથે પણ ભાગીદારી કરી છે.
રિલાયન્સે સ્પિનરને ૩ ફ્લેવરમાં લોન્ચ કર્યો છે. આ સ્પોર્ટ્સ ડ્રિંક લીંબુ, નારંગી અને નાઈટ્રો બ્લુ રંગમાં ઉપલબ્ધ છે. શ્રીલંકાના દિગ્ગજ સ્પિનર મુથૈયા મુરલીધરને લોન્ચ સમયે કહ્યું કે હું આ અંગે ખૂબ જ ઉત્સાહિત છું. એક રમતવીર તરીકે, હું સ્પોર્ટ્સ ડ્રિંક્સનો ઉપયોગ કરવાની જરૂરિયાત સમજું છું અને મને આશા છે કે સ્પિનર દરેક ભારતીયને હાઇડ્રેટેડ રહેવામાં મદદ કરશે.
રિલાયન્સે સ્પોર્ટ્સ ડ્રિંક્સ બનાવવા માટે મુથૈયા મુરલીધરનની કંપની સાથે ભાગીદારી કરી છે. મુરલીધરનની કંપની મુથૈયા બેવરેજીસ સ્પોર્ટ્સ બેવરેજીસનું ઉત્પાદન કરે છે. હવે ભાગીદારી પછી, સ્પિનર સ્પોર્ટ્સ ડ્રિંકનું ઉત્પાદન મુરલીધરનની કંપનીના મૈસુર પ્લાન્ટમાં પણ કરવામાં આવશે. સ્પિનરના લોન્ચ પછી, એવું માનવામાં આવે છે કે કંપની સ્પોર્ટ્સ ડ્રિંક માર્કેટમાં કોકા-કોલા અને પેપ્સિકો જેવી કંપનીઓ સાથે સ્પર્ધા કરશે. કોકા-કોલા કંપનીએ ૩ વર્ષ પહેલાં આ ક્ષેત્રમાં -વેશ કર્યો હતો. તે જ સમયે, જો આપણે પેપ્સિકોની વાત કરીએ, તો તેની ૫૦૦ મિલી બોટલની કિંમત ૫૦ રૂપિયા છે અને રિલાયન્સે સ્પિનર ૧૦ રૂપિયામાં લોન્ચ કર્યું છે.
(10:18 AM IST)
છેલ્લા 8 દિવસમાં સૌથી લોકપ્રિય 
