બ્રિટનની ટ્રમ્પવાળી...૧૯૦૦૦ ગેરકાયદે પ્રવાસીઓને તગેડી મુકયા
સમગ્ર દેશમાં અભિયાન છેડાયું : ભારતીય રેસ્ટોરા, સ્ટોર્સ, કારવોશમાં દરોડા
નવી દિલ્હી, તા.૧૧: બ્રિટનમાં લેબર પાર્ટી સત્તામાં આવી ત્યારથી, લગભગ ૧૯,૦૦૦ ગેરકાયદેસર ઇમિગ્રન્ટ્સ અને ગુનેગારોને દેશમાંથી હાંકી કાઢવામાં આવ્યા છે. બ્રિટિશ સરકાર દ્વારા આ લોકોને દેશનિકાલ કરવાનો એક વીડિયો પણ બહાર પાડવામાં આવ્યો છે. આ ઝુંબેશ દેશભરમાં ગેરકાયદેસર ઇમિગ્રન્ટ્સ સામે શરૂ કરવામાં આવી છે.
અમેરિકાએ તાજેતરમાં બ્રાઝિલ, ભારત અને મેક્સિકો સહિત ઘણા દેશોમાંથી ગેરકાયદેસર ઇમિગ્રન્ટ્સને હાંકી કાઢયા છે. હવે બ્રિટનમાં બિનદસ્તાવેજીકળત ઇમિગ્રન્ટ્સ અને ગુનેગારો સામે ડોનાલ્ડ ટ્રમ્પ જેવી જ કાર્યવાહી શરૂ થઈ છે. બ્રિટનમાં લેબર પાર્ટી સત્તામાં આવી ત્યારથી, લગભગ ૧૯,૦૦૦ ગેરકાયદેસર ઇમિગ્રન્ટ્સ અને ગુનેગારોને દેશમાંથી હાંકી કાઢવામાં આવ્યા છે. બ્રિટિશ સરકાર દ્વારા આ લોકોને દેશનિકાલ કરવાનો એક વીડિયો પણ બહાર પાડવામાં આવ્યો છે. આ ઝુંબેશ દેશભરમાં ગેરકાયદેસર ઇમિગ્રન્ટ્સ સામે શરૂ કરવામાં આવી છે. આ માટે, દરોડા પાડવામાં આવ્યા હતા, જેમાં મોટી સંખ્યામાં ગેરકાયદેસર ઇમિગ્રન્ટ્સ મળી આવ્યા હતા. આ લોકોને દેશનિકાલ કરવામાં આવ્યા છે.
આ ઝુંબેશ હેઠળ, ભારતીય રેસ્ટોરાં, નેઇલ બાર, સ્ટોર્સ અને કાર વોશમાં દરોડા પાડવામાં આવ્યા છે. આમાં, મોટી સંખ્યામાં ગેરકાયદેસર ઇમિગ્રન્ટ્સને રોજગાર આપવાની ફરિયાદો મળી હતી. બ્રિટિશ ગૃહમંત્રી વેઈથ કૂપરે જણાવ્યું હતું કે તેમના વિભાગે જાન્યુઆરીમાં મોટા પાયે દરોડા પાડયા હતા. તેમણે કહયું કે અમારી સરકાર સત્તામાં આવ્યા પછી કુલ ૧૯,૦૦૦ લોકોને દેશનિકાલ કરવામાં આવ્યા છે. ફક્ત જાન્યુઆરી મહિનામાં જ ૮૨૮ જગ્યાઓ પર દરોડા પાડવામાં આવ્યા હતા અને ૬૦૯ લોકોની ધરપકડ કરવામાં આવી હતી. ગયા વર્ષના જાન્યુઆરી મહિનાની સરખામણીમાં આ સંખ્યા ૭૩ ટકા વધુ હતી. ફક્ત હમ્બરસાઇડમાં એક ભારતીય રેસ્ટોરન્ટમાં દરોડા પાડયા બાદ ૭ લોકોની ધરપકડ કરવામાં આવી હતી. આ ઉપરાંત ૪ લોકોની અટકાયત કરવામાં આવી છે.
આ ઉપરાંત બ્રિટિશ સંસદમાં એક નવું બિલ પણ રજૂ કરવામાં આવ્યું છે. આ બિલમાં સરહદ સુરક્ષા, આશ્રય અને ગેરકાયદેસર ઇમિગ્રન્ટ્સને હાંકી કાઢવાનો -સ્તાવ છે. બ્રિટિશ સાંસદોનું કહેવું છે કે આ બિલ રજૂ કરવાથી મોટી સંખ્યામાં ગુનાહિત ગેંગનો નાશ કરવામાં મદદ મળશે. પીએમ કીર સ્ટાર્મરની સરકાર કહે છે કે પાછલી સરકારોએ સરહદ સુરક્ષા સાથે સમાધાન કર્યું હતું. હવે આના પર કડક કાર્યવાહી કરવામાં આવશે. બ્રિટિશ સરકારે ગેરકાયદેસર ઇમિગ્રન્ટ્સને નોકરીઓ પૂરી પાડતી સંસ્થાઓ સામે પણ કાર્યવાહી કરવાનો નિર્ણય લીધો છે. આવા કિસ્સાઓમાં, -તિ વ્યક્તિ ૬૦ હજાર પાઉન્ડનો દંડ ફટકારવાનો નિર્ણય લેવામાં આવ્યો છે. અત્યાર સુધીમાં કુલ ૧૦૦૦ નોટિસ જારી કરવામાં આવી છે. ગયા વર્ષે જુલાઈમાં યોજાયેલી સામાન્ય ચૂંટણીઓ પછી અત્યાર સુધીમાં ૧૬,૪૦૦ લોકોને હાંકી કાઢવામાં આવ્યા છે.
(4:23 PM IST)
છેલ્લા 8 દિવસમાં સૌથી લોકપ્રિય 
