મફત રાશન - પૈસા મળે છે એટલે લોકો કામ કરવા નથી ઇચ્છતા
ફ્રી રેવડી કલ્ચરથી સુપ્રિમકોર્ટ નારાજ : કામ વગર પૈસા મળે આ કેવું ? લોકોને મુખ્યધારામાં લાવો
નવી દિલ્હી, તા.૧૨: સુપ્રીમ કોર્ટે ચૂંટણી પહેલા ફ્રી રેવડી કલ્ચર પર ભારે નારાજગી વ્યક્ત કરી છે. સુપ્રીમ કોર્ટ કહે છે કે ફ્રી રેવડી કલ્ચર કારણે લોકો કામ કરવા તૈયાર નથી. શહેરી વિસ્તારોમાં બેઘર લોકો સંબંધિત કેસની સુનાવણી કોર્ટમાં ચાલી રહી હતી. હાલમાં, આ મામલાની સુનાવણી ૬ અઠવાડિયા માટે મુલતવી રાખવામાં આવી છે.
સુપ્રીમ કોર્ટમાં, જસ્ટિસ બીઆર ગવઈ અને જસ્ટિસ ઓગસ્ટિન જ્યોર્જ મસીહની બેન્ચ શહેરી વિસ્તારોમાં બેઘર લોકો માટે ઘરના અધિકાર સંબંધિત કેસની સુનાવણી કરી રહી હતી. જસ્ટિસ ગવઈએ કહ્યું, દુર્ભાગ્યવશ, આ મફત સુવિધાઓને કારણે લોકો કામ કરવા તૈયાર નથી. તેમને મફત રાશન મળી રહ્યું છે. તેમને કોઈ કામ કર્યા વિના પૈસા મળી રહ્યા છે.
બેન્ચે કહ્યું, અમે તેમના પ્રત્યેની તમારી ચિંતા સમજીએ છીએ, પરંતુ શું તે વધુ સારું નહીં હોય જો તેઓ પણ સમાજના મુખ્ય પ્રવાહમાં જોડાય અને તેમને પણ દેશના વિકાસમાં યોગદાન આપવાની તક મળે? એટર્ની જનરલ આર. વેંકટરામણીએ બેન્ચને જણાવ્યું હતું કે કેન્દ્ર સરકાર શહેરી ગરીબી નાબૂદી મિશનને અંતિમ સ્વરૂપ આપવાની પ્રક્રિયામાં છે, જે શહેરી વિસ્તારોમાં બેઘર લોકોને આશ્રય આપવા સહિત વિવિધ મુદ્દાઓને સંબોધશે.
બેન્ચે એટર્ની જનરલને કેન્દ્ર સરકારને પૂછવાનો નિર્દેશ આપ્યો કે શહેરી ગરીબી નાબૂદી મિશનને લાગુ કરવામાં કેટલો સમય લાગશે.(૨૩.૨૪)
(3:01 PM IST)
છેલ્લા 8 દિવસમાં સૌથી લોકપ્રિય 
