તા. ૧૦ સપ્ટેમ્બર ર૦ર૬ વિક્રમ સંવત ર૦૮૨ શ્રાવણ વદ – ૧૪ ગુરૂવાર
પાકિસ્તાને યુદ્ધવિરામનું ઉલ્લંઘન કર્યુ, ભારતીય સેનાએ આપ્યો જડબાતોડ જવાબ : દુશ્મન દળોને ‘ભારે નુકસાન'
ભારતીય સેનાએ ઉશ્કેરણી વગરના ગોળીબારનો યોગ્ય જવાબ આપ્યો, જેમાં મોટી સંખ્યામાં પાકિસ્તાની સૈનિકો માર્યા ગયા
જમ્મુ, તા.૧૩: ભારતની સરહદે નિયંત્રણ રેખા પર પાકિસ્તાન પોતાની નાપાક પ્રવળત્તિઓ બંધ કરવાનું નામ નથી લઈ રહ્યું. તેમણે જમ્મુ અને કાશ્મીરના પૂંછ જિલ્લામાં નિયંત્રણ રેખા પર યુદ્ધવિરામનું ઉલ્લંઘન કર્યું અને ગોળીબાર કર્યો. ભારતીય સેનાએ ઉશ્કેરણી વગરના ગોળીબારનો યોગ્ય જવાબ આપ્યો, જેમાં મોટી સંખ્યામાં પાકિસ્તાની સૈનિકો માર્યા ગયા. સુરક્ષા અધિકારીઓએ આ માહિતી આપી. પાકિસ્તાની બાજુ કેટલી જાનહાનિ થઈ તે તાત્કાલિક જાણી શકાયું નથી, પરંતુ અધિકારીઓએ જણાવ્યું હતું કે દુશ્મન દળોને ‘ભારે નુકસાન' થયું છે. ભારતીય સેનાએ આ માહિતીની પુષ્ટિ કે ખંડન કર્યું નથી. અધિકારીઓએ જણાવ્યું હતું કે, જમ્મુ જિલ્લાના અખનૂર સેક્ટરમાં નિયંત્રણ રેખા નજીક શંકાસ્પદ આતંકવાદીઓ દ્વારા કરવામાં આવેલા IED વિસ્ફોટમાં એક કેપ્ટન સહિત બે ભારતીય સેનાના જવાનો શહીદ થયાના એક દિવસ પછી કળષ્ણા ઘાટી સેક્ટરમાં પાકિસ્તાન દ્વારા યુદ્ધવિરામનું ઉલ્લંઘન કરવામાં આવ્યું છે. ૨૫ ફેબ્રુઆરી, ૨૦૨૧ ના ભારત અને પાકિસ્તાને યુદ્ધવિરામ કરારનું નવીકરણ કર્યું ત્યારથી નિયંત્રણ રેખા પર યુદ્ધવિરામ ઉલ્લંઘનની ખૂબ જ ઓછી ઘટનાઓ નોંધાઈ છે. અધિકારીઓએ જણાવ્યું હતું કે પાકિસ્તાની સૈનિકોએ નિયંત્રણ રેખા (LoC) પર તારકુંડી સેક્ટરમાં ફોરવર્ડ પોસ્ટ પર કોઈ ઉશ્કેરણી વિના ગોળીબાર કરીને યુદ્ધવિરામનું ઉલ્લંઘન કર્યું હતું, જેનો ભારતીય સેનાએ યોગ્ય જવાબ આપ્યો હતો.
આ દરમિયાન, પાકિસ્તાની આર્મી ઓફિસરનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તે શહીદ સૈનિકોને શ્રદ્ધાંજલિ આપતો જોવા મળી રહ્યો છે. આ વિડિઓમાં તારીખનો ઉલ્લેખ નથી. દરમિયાન, ભારતીય સેનાના એક જુનિયર કમિશન્ડ ઓફિસર (JCO) આજે સાંજે ભૂલથી લેન્ડમાઈન પર પગ મુકતા તેમને થોડી ઈજા થઈ હતી, એમ અધિકારીઓએ જણાવ્યું હતું.
તેમણે કહ્યું કે મેંઢરના રહેવાસી જેસીઓ એક પેટ્રોલિંગ ટીમનો ભાગ હતા જે આતંકવાદીઓની ઘૂસણખોરી અટકાવવા માટે નિયંત્રણ રેખા પર કડક નજર રાખી રહી હતી. ઘાયલ અધિકારીને આર્મી હોસ્પિટલમાં દાખલ કરવામાં આવ્યા હતા. અધિકારીઓના જણાવ્યા અનુસાર, છેલ્લા અઠવાડિયામાં સરહદ પાર દુશ્મનની ગતિવિધિઓ વધી છે જેના કારણે નિયંત્રણ રેખા પર પરિસ્થિતિ તણાવપૂર્ણ છે.
(2:51 PM IST)
છેલ્લા 8 દિવસમાં સૌથી લોકપ્રિય 
