મસ્ક પોતાના ત્રણ બાળકો સાથે પીએમ મોદીને મળવા પહોંચ્યા
અબજોપતિને તેમની ચાર પત્નિઓથી ૧૨ બાળકો છે : તેમના જીવનમાં ચાર પત્નિઓ છે, જેમાંથી તેમણે ત્રણને છૂટાછેડા આપી દીધા છે
વોશીંગ્ટન, તા.૧૪: ગુરુવારે બ્લેર હાઉસ ખાતે વડા પ્રધાન મોદી અને ટેક અબજોપતિ એલોન મસ્ક મળ્યા હતા. એલોન મસ્ક તેમના ત્રણ બાળકો - એક્સ, સ્ટ્રાઇડર અને એઝ્યુર સાથે પીએમ મોદીને મળવા પહોંચ્યા. આ મુલાકાતની તસવીરો સોશિયલ મીડિયા પર સામે આવી છે. આમાં, એલોન મસ્કના બાળકો વાતચીત ધ્યાનથી સાંભળતા જોવા મળ્યા. જ્યારે તેમના પિતા એલોન મસ્ક વડા પ્રધાન મોદી સાથે ચર્ચા કરવામાં વ્યસ્ત જોવા મળ્યા હતા. મસ્કનો નાનો પુત્ર X ઘણીવાર તેની રમતિયાળતા માટે સમાચારમાં રહે છે. જ્યારે સ્ટ્રાઇડર અને એઝ્યુર મીટિંગમાં શાંતિથી બેઠા હતા.
દુનિયાના સૌથી ધનિક વ્યક્તિ, એલોન મસ્ક, પોતાના પ્રોજેક્ટ્સ અને એક્સ-પોસ્ટ્સ તેમજ પોતાના અંગત જીવન માટે સમાચારમાં રહે છે. પીએમ મોદીને મળતા પહેલા, એલોન મસ્ક ૧૧ ફેબ્રુઆરી, ૨૦૨૫ ના રોજ વ્હાઇટ હાઉસમાં એક અલગ જ અંદાજમાં જોવા મળ્યા હતા. આ સમય દરમિયાન, મસ્કનો ૪ વર્ષનો પુત્ર તેમના ખભા પર બેઠો હતો અને યુએસ રાષ્ટ્રપતિ ડોનાલ્ડ ટ્રમ્પ તેમની સામે હતા.
અબજોપતિ ઉદ્યોગપતિ એલોન મસ્ક ૧૧ ફેબ્રુઆરીના રોજ ઓવલ ઓફિસમાં રાષ્ટ્રપતિ ટ્રમ્પ સાથે પ્રેસ કોન્ફરન્સમાં હાજરી આપવા માટે પહેલી વાર જાહેરમાં દેખાયા. આ સમય દરમિયાન, જુનિયર મસ્કનો તેના પિતાના ખભા પર બેસીને મજા કરવાનો વીડિયો પણ વાયરલ થયો.
તમને જણાવી દઈએ કે એલોન મસ્ક ૧૨ બાળકોના પિતા છે. એલોન મસ્કના ભાગીદારો વિશે વાત કરીએ તો, તેમના જીવનમાં ઘણા ભાગીદારો રહયા છે. વર્ષ ૨૦૦૦ થી તે ઘણી સ્રીઓ સાથે સંબંધોમાં છે અને ઘણી વખત છૂટાછેડા લઈ ચૂક્યો છે. તે એક પાર્ટનર સાથે બે વાર રિલેશનશિપમાં રહયો છે અને બે વાર તેને છૂટાછેડા આપી ચૂક્યો છે. અત્યાર સુધી, તેમના જીવનમાં ચાર પત્નીઓ છે, જેમાંથી તેમણે ત્રણને છૂટાછેડા આપી દીધા છે. તે હાલમાં શિવોન ઝિલિસ સાથે છે, જે તેની મગજ ઇમ્પ્લાન્ટ કંપની ન્યુરાલિંકમાં ડિરેક્ટર તરીકે સેવા આપે છે.(૨૩.૬)
(10:27 AM IST)
છેલ્લા 8 દિવસમાં સૌથી લોકપ્રિય 
