નવી દિલ્હી, તા.૧૯: સેન્ટ્રલ બોર્ડ ઓફ સેકન્ડરી એજ્યુકેશન (CBSE) શૈક્ષણિક વર્ષ ૨૦૨૬–૨૦૨૭ થી વર્ષમાં બે વાર ધોરણ ૧૦ ની બોર્ડ પરીક્ષાઓનું આયોજન કરશે. તે તેની ૨૬૦ સંલગ્ન વિદેશી શાળાઓ માટે વૈશ્વિક અભ્યાસક્રમ પણ રજૂ કરશે. કેન્દ્રીય શિક્ષણ મંત્રી ધર્મેન્દ્ર પ્રધાનની અધ્યક્ષતામાં એક મહત્વપૂર્ણ બેઠકમાં, શિક્ષણ મંત્રાલયે વૈશ્વિક અભ્યાસક્રમ શરૃ કરવાનો નિર્ણય લીધો. શિક્ષણ મંત્રાલય દ્વારા CBSE અધિકારીઓ અને રાષ્ટ્રીય શૈક્ષણિક સંશોધન અને તાલીમ પરિષદ (NCERT), કેન્દ્રીય વિદ્યાલય સંગઠન (KVS) અને નવોદય વિદ્યાલય સમિતિ (NVS) ના વડાઓ સાથે ડ્રાફ્ટ અભ્યાસક્રમની વિગતવાર ચર્ચા કરવામાં આવી હતી. આ ડ્રાફ્ટ આવતા અઠવાડિયે સોમવારે જાહેર કરવાની યોજના છે. મુખ્ય ભારતીય વિષયોને વૈશ્વિક અભ્યાસક્રમમાં સમાવિષ્ટ કરવામાં આવશે.

સોશિયલ મીડિયા પ્લેટફોર્મ CBSE પર એક પોસ્ટમાં કહેવામાં આવ્યું છે કે, આજે, શિક્ષણ મંત્રી ધર્મેન્દ્ર પ્રધાને શિક્ષણ નિયામકમંડળના સચિવ, આર્થિક વિકાસ સચિવ, વિદેશ મંત્રાલય, CBSE, NCERT, KVS, NVS ના વડાઓ અને વૈશ્વિક શાળાઓના પ્રતિનિધિઓ સાથે ઉચ્ચ સ્તરીય બેઠકની અધ્યક્ષતા કરી હતી. સીબીએસઈ વૈશ્વિક અભ્યાસક્રમ રજૂ કરવા અને તેને અમલમાં મૂકવા માટેની પદ્ધતિઓની વિગતવાર ચર્ચા કરવામાં આવી હતી. સીબીએસઈને ૨૦૨૬–૨૦૨૭ દરમિયાન વિદેશી શાળાઓ માટે સીબીએસઈ વૈશ્વિક અભ્યાસક્રમ રજૂ કરવા અને આ સંદર્ભમાં વિગતવાર કાર્ય યોજના તૈયાર કરવાનો નિર્દેશ આપવામાં આવ્યો હતો.

દરમિયાન, શિક્ષણ મંત્રી ધર્મેન્દ્ર પ્રધાને ટ્વીટ કર્યું કે CBSE બોર્ડની પરીક્ષાઓ વર્ષમાં બે વાર યોજવા માટે એક ડ્રાફ્ટ યોજના તૈયાર કરવામાં આવી રહી છે. તેમણે ટ્વિટર પર લખ્યું, વિદ્યાર્થીઓ માટે તણાવમુકત શિક્ષણ વાતાવરણ બનાવવું એ સરકારનું મુખ્ય ધ્યાન રયું છે. પરીક્ષા સુધારણા આ દિશામાં એક મહત્વપૂર્ણ પગલું છે.

ટાઈમ્સ ઓફ ઈન્ડિયાના અહેવાલ મુજબ, શિક્ષણ મંત્રાલયના એક અધિકારીએ જણાવ્યું હતું કે, આ પહેલનો ઉદ્દેશ્ય એક વખતની પરીક્ષાના તણાવને ઘટાડવાનો અને કોઈપણ દબાણ વિના વ્યકિતના પ્રદર્શનમાં સુધારો કરવાની તક પૂરી પાડવાનો છે. બહુવિધ પરીક્ષાઓની સિસ્ટમ દાખલ કરીને, CBSE એક વધુ અનુકૂળ શિક્ષણ વાતાવરણ બનાવવાનો પ્રયાસ કરી રહયું છે જે ગોખણપટ્ટી કરતાં વૈચારિક સમજણને પ્રાથમિકતા આપે છે.

જાન્યુઆરીની શરૃઆતમાં, ધર્મેન્દ્ર પ્રધાને કહ્રયું હતું કે વર્ષમાં બે વાર બોર્ડ પરીક્ષાઓ લેવાનો નિર્ણય આગામી શૈક્ષણિક વર્ષ ૨૦૨૬–૨૭ થી લાગુ કરવામાં આવશે. પ્રધાને એમ પણ કહયું હતું કે રાષ્ટ્રીય શિક્ષણ નીતિ (NEP) ની ભલામણોના આધારે ધોરણ ૧૧ અને ધોરણ ૧૨ માં સેમેસ્ટર સિસ્ટમ લાગુ કરવાની તૈયારીઓ ચાલી રહી છે.

અગાઉ, શિક્ષણ મંત્રાલયે સ્પષ્ટ કર્યું હતું કે ધોરણ ૧૦ અને ૧૨ ના વિદ્યાર્થીઓ માટે વર્ષમાં બે વાર પરીક્ષા આપવી ફરજિયાત રહેશે નહીં. જીવનમાં એક વાર મળેલી તકના ડરથી થતા તણાવને ઘટાડવા માટે આ વિકલ્પ ઓફર કરવામાં આવી રહ્રયો છે. જો કોઈ વિદ્યાર્થી પહેલી પરીક્ષાના ગુણથી સંતુષ્ટ ન હોય તો તે આગલી વખતે ફરીથી પરીક્ષા આપી શકે છે. વર્ષની બંને બોર્ડ પરીક્ષાઓમાં ઉપસ્થિત રહેલા વિદ્યાર્થીઓના શ્રેષ્ઠ સ્કોરને જ ધ્યાનમાં લેવામાં આવશે. પરિણામની ગુણવત્તા શ્રેષ્ઠ સ્કોરના આધારે નક્કી કરવામાં આવશે.

રાષ્ટ્રીય શિક્ષણ નીતિ ૨૦૨૦ ના અમલીકરણ માટે લાવવામાં આવેલા ફઘ્જ્ માં, વિદ્યાર્થીઓએ શૈક્ષણિક વર્ષમાં બે વાર બોર્ડ પરીક્ષા આપવી જોઈએ તેવી ભલામણ કરવામાં આવી હતી.(