કરાચીના નેશનલ સ્ટેડિયમ ખાતે ચેમ્પિયન્સ ટ્રોફી 2025 ની શરૂઆતની મેચ રમાઈ હતી. આ મેચમાં પાકિસ્તાન અને ન્યુઝીલેન્ડની ટીમો એકબીજા સામે ટકરાઈ હતી. જોવા જેવી વાત એ હતી કે મેચ દરમિયાન સ્ટેડિયમ લગભગ ખાલી દેખાતું હતું. આ માટે પાકિસ્તાનની ખૂબ મજાક ઉડાવવામાં આવી રહી છે.

પાકિસ્તાનની યજમાની હેઠળ ICC ચેમ્પિયન્સ ટ્રોફી શરૂ થઈ ગઈ છે. પાકિસ્તાન ક્રિકેટ બોર્ડ (PCB) એ ટુર્નામેન્ટની મેચોની ટિકિટો ખૂબ જ સસ્તા દરે રાખી છે. આમ છતાં, તેને પોતાના સ્ટેડિયમ ખાલી જોવા પડ્યા. આનાથી પાકિસ્તાન સોશિયલ મીડિયા પર હાસ્યનો વિષય બન્યું.

વાસ્તવમાં, ચેમ્પિયન્સ ટ્રોફી 2025 ની શરૂઆતની મેચ બુધવારે કરાચીના નેશનલ સ્ટેડિયમમાં રમાઈ હતી. આ મેચમાં પાકિસ્તાન અને ન્યુઝીલેન્ડની ટીમો એકબીજા સામે ટકરાઈ હતી. જોવા જેવી વાત એ હતી કે મેચ દરમિયાન સ્ટેડિયમ લગભગ ખાલી દેખાતું હતું. આ માટે પાકિસ્તાનની ખૂબ મજાક ઉડાવવામાં આવી રહી છે.

બીજી મોટી વાત એ છે કે PCB એ મેચ માટે સૌથી સસ્તી ટિકિટ 1 હજાર પાકિસ્તાની રૂપિયા (લગભગ 310 ભારતીય રૂપિયા) રાખી હતી. આમ છતાં સ્ટેડિયમ ખાલી રહ્યું. તમને જણાવી દઈએ કે પાકિસ્તાનની બધી મેચો 3 સ્ટેડિયમ, કરાચી, લાહોર અને રાવલપિંડીમાં રમાશે. આમાં સૌથી સસ્તી ટિકિટ 1000 પાકિસ્તાની રૂપિયા છે.

રાવલપિંડીમાં યોજાનારી પાકિસ્તાન-બાંગ્લાદેશ મેચની સૌથી સસ્તી ટિકિટ 2000 પાકિસ્તાની રૂપિયા (લગભગ 620 ભારતીય રૂપિયા) રાખવામાં આવી છે. બીજી તરફ, ભારતીય ટીમ તેની બધી મેચ દુબઈમાં રમશે. આવી સ્થિતિમાં, દુબઈ ઇન્ટરનેશનલ ક્રિકેટ સ્ટેડિયમમાં યોજાનારી ભારતીય ટીમની મેચોની ટિકિટની કિંમત ૧૨૫ દિરહામ (લગભગ ૩ હજાર રૂપિયા) રાખવામાં આવી છે.