નવી દિલહીઃ  હિમાચલ પ્રદેશના મંડી જિલ્લામાં આજે રવિવાર સવારે 8.42 કલાકે ભૂકંપના ઝટકા અનુભવાયા હતા. લોકો સવાર સવારમાં ઉઠીને રોજીંદા નિત્યક્રમમાં લાગ્યા હતા, આ દરમ્યાન ધરતી અચાનક ધ્રુજવા લાગી, જેનાથી લોકો ડરી ગયા અને પોતાના ઘરોમાંથી ભાગવા લાગ્યા હતા.
નેશનલ સેન્ટર ફોર સિસ્મોલોજી અનુસાર, ભૂકંપની તીવ્રતા 3.7 હતી અને તેની ઊંડાઈ 7 કિમી હતી. રાહતની વાત એ છે કે અત્યાર સુધી કોઈ પણ પ્રકારના નુકસાનના સમાચાર નથી.