બ્લુ ઘોસ્ટનું સફળતાપૂર્વક ચંદ્ર ઉપર લેન્ડીંગ
આ સ્પેસ મિશન લગભગ એક મહિના સુધી પળથ્વીની ભ્રમણકક્ષામાં ફર્યુઃ આ પછી તે ચંદ્ર તરફ આગળ વધ્યું અને ૧૬ દિવસ સુધી ચંદ્રની ભ્રમણકક્ષામાં રહ્યા પછી ગઇકાલે ચંદ્રની સપાટી પર સફળતાપૂર્વક ઉતર્યુ
નવી દિલ્હીઃ તા. ૩: ફાયરફ્લાય એરોસ્પેસનું ચંદ્ર મિશન બ્લુ ઘોસ્ટ ચંદ્રની સપાટી પર સફળતાપૂર્વક ઉતરાણ કર્યું છે. આ લેન્ડિંગ ચંદ્રના મેર ક્રિસિયમ ક્ષેત્રમાં થયું હતું.
આ મિશન ત્રણ મોટા અંતરિક્ષ મિશનની શરૂઆત છે, જે ચંદ્રના આ અદ્રશ્ય ભાગમાં ઉતરશે. બ્લુ ઘોસ્ટ મિશન ૧૫ જાન્યુઆરી, ૨૦૨૫ ના રોજ લોન્ચ કરવામાં આવ્યું હતું, જ્યારે તેને SpaceX ના રોકેટ ફાલ્કન ૯ પર અવકાશમાં મોકલવામાં આવ્યું હતું.
આ સ્પેસ મિશન લગભગ એક મહિના સુધી પળથ્વીની ભ્રમણકક્ષામાં ફર્યું. આ પછી તે ચંદ્ર તરફ આગળ વધ્યું અને ૧૬ દિવસ સુધી ચંદ્રની ભ્રમણકક્ષામાં રહ્યા પછી, તે ૨ માર્ચે ચંદ્રની સપાટી પર સફળતાપૂર્વક લેન્ડ થયું.
ફાયરફ્લાય એરોસ્પેસ કંપનીએ એક નિવેદન જારી કરીને જણાવ્યું છે કે બ્લુ ઘોસ્ટ ચંદ્ર પર સફળતાપૂર્વક ઉતરાણ કર્યું છે. આ સાથે ફાયરફ્લાય એરોસ્પેસ એવી પહેલી ખાનગી કંપની બની છે જેનું અવકાશયાન ચંદ્ર પર ઉતર્યું છે. ચંદ્ર પર સંશોધનની દિશામાં આ એક મોટું પગલું સાબિત થશે. ઉલ્લેખનીય છે કે ફાયરફ્લાય એરોસ્પેસે નાસાની મદદથી આ મિશન પાર પાડ્યું હતું. નાસાએ તેના ૧૦ પેલોડ્સ બ્લુ ઘોસ્ટ મિશન સાથે મોકલ્યા છે, જે તેના કોમર્શિયલ લુનર પેલોડ સર્વિસ પ્રોગ્રામનો એક ભાગ છે. આ મિશનનો ઉદ્દેશ્ય ચંદ્રના વાતાવરણ વિશે મહત્વપૂર્ણ માહિતી એકઠી કરવાનો છે.
બ્લુ ઘોસ્ટ ચંદ્રના આંતરિક ભાગમાં ગરમીના પ્રવાહનો અભ્યાસ કરશે, જેનાથી વૈજ્ઞાનિકોને ચંદ્ર પર ગરમીનું મૂળ જાણવામાં મદદ મળશે. બ્લુ ઘોસ્ટ મિશન લગભગ ૧૪ દિવસ લાંબુ છે, જે ચંદ્ર પરના એક દિવસની સમકક્ષ છે. ફાયરફ્લાય એરોસ્પેસનું આ સફળ મિશન ચંદ્ર પર માનવ પ્રવેશ વધારવાના પ્રયાસોને વેગ આપશે
(3:36 PM IST)
છેલ્લા 8 દિવસમાં સૌથી લોકપ્રિય 
