તા. ૧૨ સપ્ટેમ્બર ર૦ર૬ વિક્રમ સંવત ર૦૮૨ ભાદરવા સુદ – ૧ શનિવાર
રાજીવ ગાંધી બે વાર ફેલ થયા હતાઃ પરીક્ષામાં નાપાસ થયેલાને વડાપ્રધાન કઈ રીતે બનાવી શકાય?
મણિશંકર ઐય્યરે ફરીથી ગાંધી પરિવાર પર સાધ્યું નિશાન
નવી દિલ્હી,તા.૬: કોંગ્રેસ નેતા મણિશંકર અય્યર ઘણા સમયથી પોતાના જ પક્ષને નિશાન બનાવી રહ્યા છે. હવે તેમણે કોંગ્રેસ જ નહીં પણ ગાંધી પરિવાર પર નિશાન સાધ્યું છે અને ભૂતપૂર્વ વડા પ્રધાન રાજીવ ગાંધીના અભ્યાસ મામલે ચોંકાવનારા આક્ષેપો કર્યા છે.
દેશના સૌથી યુવા વડા પ્રધાન રાજીવ ગાંધી વ્યાવસાયે પાયલટ હતા અને ખૂબ પ્રતિષ્ઠિત એવી કેમ્બ્રિજ યુનિવર્સિટીમાંથી તેમણે અભ્યાસ કર્યો હતો ત્યારે તેમના પર નિશાન સાધતા મણિશંકર ઐય્યરે દાવો કર્યો હતો કે રાજીવ ગાંધી બે વાર ફેલ થયા હતા. કેમ્બ્રિજ યુનવિર્સિટી પોતાની શાખ બનાવી રાખવા મોટાભાગના વિદ્યાર્થીઓને ફર્સ્ટ ક્લાસ જ આપે છે, ત્યાં ફેલ થવું અઘરું છે ત્યારે રાજીવ ગાંધી ત્યાં બે વાર ફેલ થયા હતા. ત્યારબાદ તેઓ લંડનની ઈમ્પિરિયર કોલેજમાં ગયા અને ત્યાં પણ બે વાર ફેલ થઈ ગયા. પરીક્ષામાં નાપાસ થયેલાને વડા પ્રધાન કઈ રીતે બનાવી શકાય, તેવો સવાલ પણ તેમણે કર્યો છે.
વડા પ્રધાન નરેન્દ્ર મોદીની એકેડેમિક ડિગ્રી મામલે ઘણા વિવાદો થયા છે. આપના અધ્યક્ષ અરવિંદ કેજરીવાલ આ મામલે કોર્ટમાં પણ ધા નાખી ચૂકયા છે ત્યારે હવે ખુદ કોંગ્રેસના નેતા અને પૂર્વ વડાં પ્રધાન ઈન્દિરા ગાંધીના પુત્ર રાજીવ ગાંધી જ બે વાર પરીક્ષામાં ફેલ થયાની ઐય્યરની ક્લિપ ભાજપના આઈટી સેલના અધ્યક્ષ અમિત માલવિયાએ ટ્વીટ કરી છે. કોંગ્રેસને ઘેરવા માટે ભાજપને એક નવો મુદ્દો મળી ગયો છે.
કોંગ્રેસ અગાઉ પણ ઐય્યરને ભાજપના સ્લીપર સેલ કરી ચૂકી છે ત્યારે તેમના આ નિવેદન બાદ તારીક અનવરે કહ્યું હતું કે ફેલ થવું તે કોઈ મોટી વાત નથી. ઘણા વિદ્યાર્થીઓ હોશિયાર હોવા છતાં ફેલ થાય છે, પરંતુ રાજીવ ગાંધીને જ્યારે રાજનીતિની જવાબદારી સોંપવામાં આવી ત્યારથી તેઓ ફેલ નથી થયા. ખૂબ ઓછા સમયમાં વડા પ્રધાન તરીકે તેમણે ઘણા સારા કામ કર્યા છે.(૪૦.૨૦)
(4:06 PM IST)
છેલ્લા 8 દિવસમાં સૌથી લોકપ્રિય 
