ખાલિસ્તાન તરફી આતંકવાદીઓ દ્વારા લંડનમાં વિદેશ મંત્રી એસ જયશંકરની સુરક્ષાનો ભંગ કરીને તેમના કાફલા તરફ આગળ વધવાની ઘટનાની બ્રિટને સખત નિંદા કરી છે. આ ઘટના પર નારાજગી વ્યક્ત કરતા બ્રિટને કહ્યું કે ડરાવવા, ધમકાવવા અથવા જાહેર કાર્યક્રમોમાં વિક્ષેપ પાડવાના આવા પ્રયાસો સંપૂર્ણપણે અસ્વીકાર્ય છે. સુરક્ષા ભંગની આ ઘટના બુધવારે લંડનના ચેવેનિંગ હાઉસ ખાતે બની હતી. જ્યા એક ખાલિસ્તાની સમર્થક સૂત્રોચ્ચાર કરી ખાલીસ્તાની ઝંડા સાથે સુરક્ષા ઘેરો તોડીને જયશંકર તરફ આગળ વધ્યો હતો.