ભિલાઈ, તા.૧૦

છત્તીસગઢના ભિલાઈમાં સોમવારે (૧૦ ઓગસ્ટ) એન્ફોર્સમેન્ટ ડિરેક્ટોરેટ (ED)ની ટીમ પર હુમલો કરવામાં આવ્યો હતો. દરોડા પછી ઘરની બહાર નીકળતી વખતે કેટલાક લોકોએ ટીમ પર હુમલો કર્યો હતો. હવે ED આ મામલે કેસ નોંધશે. આ હુમલો ત્યારે થયો જ્યારે EDના અધિકારીઓ પૂર્વ મુખ્યમંત્રી ભૂપેશ બઘેલના ઘરે દરોડા પાડીને બહાર આવી રહ્યા હતા. તે  સમયે, સમર્થકો દ્વારા ઘરની બહાર વિરોધ પ્રદર્શન ચાલી રહ્યું હતું. ત્યારે કેટલાક અજાણ્યા લોકોએ ટીમ પર હુમલો કર્યો હતો.

પ્રારંભિક માહિતી અનુસાર, ઇડી ટીમ પર ઇંટો અને પથ્થરોથી હુમલો કરવામાં આવ્યો છે. ટીમના વાહનની આગળ અને પાછળ મોટા પથ્થરો ફેંકવામાં આવ્યા હોવાનું સામે આવ્યું છે. જો કે ઘાયલો વિશે હજુ સુધી માહિતી મળી નથી.

તમારી જાણકારી માટે તમને જણાવી દઈએ કે એન્ફોર્સમેન્ટ ડિરેક્ટોરેટ (ED) એ છત્તીસગઢના પૂર્વ મુખ્યમંત્રી અને કોંગ્રેસ નેતા ભૂપેશ બઘેલના કથિત દારૃ કૌભાંડ કેસમાં તેમના પુત્ર વિરૃદ્ધ મની લોન્ડરિંગ કેસ હેઠળ તેમના ઘર પર દરોડા પાડ્યા હતા. સમાચાર એજન્સી પીટીઆઈના અહેવાલ મુજબ, ભૂપેશ બઘેલના પુત્ર ચૈતન્ય બઘેલના ભિલાઈ પરિસર, ચૈતન્ય બઘેલના કથિત નજીકના સાથી લક્ષ્મી નારાયણ બંસલ ઉર્ફે પપ્પુ બંસલ અને અન્ય કેટલાક લોકોના પરિસરની પણ પ્રિવેન્શન ઓફ મની લોન્ડરિંગ એક્ટ (PMLAMLA)ની જોગવાઈઓ હેઠળ તપાસ કરવામાં આવી હતી.

ચૈતન્ય બઘેલ તેના પિતા સાથે ભિલાઈમાં રહે છે, તેથી તે જગ્યા પર પણ દરોડો પાડવામાં આવ્યો હતો. EDને શંકા છે કે ચૈતન્ય બઘેલ દારૃના કૌભાંડની ગુનાની આવક મેળવનાર વ્યક્તિ છે. આવી સ્થિતિમાં રાજ્યમાં લગભગ ૧૪-૧૫ જગ્યાઓ પર દરોડા પાડવામાં આવ્યા હતા.

ગરોડા પછી તરત જ, કોંગ્રેસના ઘણા નેતાઓ અને કાર્યકરો ભિલાઈમાં ભૂપેશ બઘેલના ઘરની બહાર એકઠા થયા હતા અને દાવો કર્યો હતો કે તે કેન્દ્રનું કાવતરું હતું. ઈડ્ઢએ અગાઉ કહ્યું હતું કે છત્તીસગઢ દારૃના કૌભાંડે રાજ્યની આવકને ભારે નુકસાન પહોંચાડ્યું હતું અને આ ગુનાની આવકમાંથી રૃ. ૨,૧૦૦ કરોડથી વધુ દારૃ સિન્ડિકેટના લાભાર્થીઓના ખિસ્સામાં ગયા હતા.

પોલીસ કર્મચારીઓએ ભારે મુશ્કેલી સાથે ઈડ્ઢના અધિકારીઓને ભૂપેશ બઘેલના ઘરેથી રવાના કર્યા હતા.  આ દરમિયાન ઈડ્ઢની ગાડી પર પણ પથ્થરમારો કરવામાં આવ્યો હતો. કથિત દારૃ કૌભાંડ સાથે જોડાયેલા મની લોન્ડરિંગ કેસમાં ઈડ્ઢએ છત્તીસગઢમાં ૧૪ સ્થળો પર દરોડા પાડ્યા છે.