મુંબઈ,તા.૧૧: રંગોના ઉત્‍સવ હોળીની ૧૪મી માર્ચના રોજ દેશભરમાં ધામધૂમ પૂર્વક ઉજવણી કરવામાં આવશે. હોળીની ઉજવણી માટે દેશભરમાં ઉત્‍સાહનો માહોલ જોવા મળી રહ્યો છે. આ વખતે હોળી શુક્રવારના દિવસે છે, ત્‍યાર બાદ શનીવાર અને રવીવાર હોવાથી લોકો લોંગ વિકેન્‍ડનો પ્‍લાન બનાવી રહ્યા છે. જેના કારણે લોક-યિ પર્યટન સ્‍થળોએ હોટેલોમાં બુકિંગ લગભગ ફૂલ થઇ ગયું છે અને હોટેલના રૂમ માટે ઉંચી કિંમત ચુકવવામાં આવી રહી છે. હોળીના તહેવારને લીધે હાલ રેલ્‍વે સ્‍ટેશનો અને બસ સ્‍ટેન્‍ડ પર વતન તરફ જઈ રહેલા લોકોની ભારે ભીડ ઉમટી રહી છે, તો ઘણા લોકો લોંગ વિકેન્‍ડ માટે પણ ફરવા જઈ રહ્યા છે. લોકો ઘરથી દુર પર્યટન સ્‍થળો કે રીસોર્ટ્‍સમાં હોળી ઉજવવા માટે પ્‍લાન કરી રહ્યા છે, જેના કારણે પર્યટન સ્‍થળોને હોટલોમાં બુકિંગ ફૂલ થવા આવ્‍યું છે. હોટેલન ભાડા પણ આસમાને પહોંચ્‍યા છે. છેલ્લા કેટલાક અઠવાડિયામાં હોટલના વેબ સર્ચમાં નોંધાયો છે. હોટેલ બુકિંગની એક વેબસાઈટ અનુસાર ઉદયપુરની એક જાણીતી ૫ સ્‍ટાર હોટેલમાં હોળીના દિવસે એટલે કે ૧૪ માર્ચે એક દિવસનું ભાડું ૪૫,૦૦૦ રૂપિયાથી વધુ છે. વેબસાઈટના આંકડા મુજબ, ગયા વર્ષની સરખામણીમાં આ વર્ષે હોળી માટે હોટેલ બુકિંગમાં ૧૦૫%નો વધારો થયો છે. અન્‍ય એક વેબસાઈટના હેવાલ મુજબ, આ વર્ષે હોળીના લોંગ વિકેન્‍ડ દરમિયાન હોટેલ માટે ઓનલાઈન સર્ચમાં ૩૦%નો વધારો થયો છે. મોટાભાગના લોકો વળંદાવન, રાજસ્‍થાન, ગુજરાત અને પﾍમિ બંગાળ જેવા સ્‍થળો માટે સર્ચ કરી રહ્યા છે. આ સ્‍થળો માટે એર ફેરમાં પણ ૫-૮% નો થોડો વધારો થયો છે.

 છેલ્લા કેટલાક વર્ષોથી મહાનગરોમાં રહેતા લોકોમાં પરંપરાગત રીતે હોળી ઉજવવાનું ચલન વધ્‍યું છે. લોકો જયપુરમાં હોલી એલિફન્‍ટ ફેસ્‍ટીવલ, કેરળમાં મંજલ કુલી અને પંજાબમાં હોલા મોહલ્લા જેવા કાર્યક્રમોમાં ભાગ લઇ રહ્યા છે.  હોલા મોહલ્લા એ શીખ યોદ્ધાઓની બહાદુરીનો ઉત્‍સવ છે, જ્‍યારે  બંગાળમાં ડોલયાત્રા (વસંત ઉત્‍સવ)માં પણ પ્રવાસીઓ ઉમટી રહ્યા છે.