રાંચી તા.૧૧: ઝારખંડનો કુખ્‍યાત ગેંગસ્‍ટર અમન સાવ સાથે પોલીસની અથડામણ થઈ હતી. અથડામણમાં ગેંગસ્‍ટર અમન સાવનું એન્‍કાઉન્‍ટર કરી નાખવામાં આવ્‍યું છે. અથડામણ તેવા સમયે થઈ જ્‍યારે અમન સાવને રાયપુર જેલથી લાવવામાં આવી રહ્યો હતો.

જાણકારી અનુસાર, અમન સાવને ઝારખંડ એટીએસ છત્તીસગઢના રાયપુરથી પાછી લાવી રહી હતી. તેવામાં પલામૂના ચૈનપુર અને રામગઢ થાણા વિસ્‍તાર વચ્‍ચે અંધારી ઢોઢામાં અમન સાવના ગિરોહે પોલીસ વાહન પર બોમ્‍બથી હુમલો કરી દીધો હતો. તે દરમિયાન અમન સાવ જવાનની રાઈફલ છીનવીને ભાગી રહ્યો હતો. જે બાદ પોલીસે તેનો પીછો કર્યો હતો.

તે દરમિયાન પોલીસ પર અમન સાવે ફાયરિંગ કર્યું હતું. જે બાદ જવાબી કાર્યવાહીમાં પોલીસે પણ ફાયરિંગ કર્યું હતું. પોલીસની જવાબી કાર્યવાહીમાં અમન સાવને ગોળી વાગી જતા તેનું મોત થયું હતું. ફાયરિંગમાં એક જવાનને પગ પર ગોળી વાગી હતી. ઘટનાની જાણકારી મળતા પલામૂ પોલીસના મોટા અધિકારીઓ સ્‍થળે પહોંચી ગયા હતા અને સમગ્ર મામલે તપાસ હાથ ધરી છે.

પોલીસ સાથે થયેલી અથડામણમાં ગેંગસ્‍ટર અમન સાવને ગોળી વાગી છે. જેના લીધે તેનું મોત થયું છે. અથડામણમાં એક જવાનને ગોળી વાગી છે. સ્‍થળ પર એમ્‍બ્‍યુલન્‍સને મોકલવામાં આવી છે.

હકીકતમાં અમન સાવ સંપૂર્ણ ઝારખંડ માટે માથાનો દુખાવો બની ગયો હતો અને સંપૂર્ણ ઝારખંડમાં ૧૦૦થી વધુ ગુનાહિત ઘટનાઓના મામલા તેની સામે નોંધાયેલા છે. પલામૂ પોલીસની એક મોટી ટીમ વિસ્‍તારમાં તપાસ કરી રહી છે અને હાલાતનો અંદાજો લગાવી શકાય. પલામૂમાં એક ડઝનથી વધારે અપરાધિક ગતિવિધિઓના મામલાઓ અમન સાવની સામે નોંધાયેલા છે. અમન સાવ પર પલામૂમાં રેલવે કન્‍સ્‍ટ્રક્‍શન સાઈટ નેશનલ હાઈવે પર ફોરલેનના કાર્ય માટે ગેરવસૂલી માટે ફાયરિંગ કરાવવાનો આરોપ છે. તે સિવાય અમન સાવ પર લાતેહારના બાલૂમાથ વિસ્‍તારમાં ઘણી મોટી ઘટનાઓને અંજામ આપવાનો આરોપ છે.(૩૮.૨)