નવી દિલ્હી તા.૧૧ : નબળી શરૂઆત છતાં, ભારતીય શેરબજારો 11 માર્ચ, મંગળવારે લગભગ સપાટ બંધ થયા. છેલ્લા કલાકોમાં મેટલ, રિયલ્ટી અને એનર્જી શેરોમાં ભારે ખરીદારીથી રોકાણકારોને થોડી રાહત મળી હતી. સેન્સેક્સમાં 12 પોઈન્ટનો નજીવો ઘટાડો જોવા મળ્યો હતો. નિફ્ટી 37 પોઈન્ટ વધીને 22,450ની નજીક બંધ રહ્યો હતો. નાના અને મધ્યમ શેરોમાં મિશ્ર ચાલ જોવા મળી હતી. બીએસઈ મિડકેપ ઈન્ડેક્સ 0.72 ના વધારા સાથે બંધ થયા છે. આ બધાની વચ્ચે આજે BSE લિસ્ટેડ કંપનીઓના કુલ બજાર મૂલ્યમાં આશરે રૂ. 68,000 કરોડનો વધારો થયો છે. જોકે, બજારના નિષ્ણાતોનું કહેવું છે કે અમેરિકામાં મંદીની શક્યતા અને ટેરિફ પોલિસીમાં અનિશ્ચિતતાને કારણે નજીકના ગાળામાં અસ્થિરતા રહી શકે છે.

ટ્રેડિંગના અંતે, BSE સેન્સેક્સ 12.85 પોઈન્ટ અથવા 0.017 ટકાના નજીવો ઘટીને 74,102.32 પર બંધ રહ્યો હતો. જ્યારે NSEનો 50 શેરવાળો ઈન્ડેક્સ નિફ્ટી 37.60 પોઈન્ટ અથવા 0.17 ટકાના વધારા સાથે 22,497.90 ના સ્તર પર બંધ થયો હતો.રોકાણકારોએ ₹68,000 કરોડની કમાણી કરી હતી

BSE પર લિસ્ટેડ કંપનીઓની કુલ માર્કેટ મૂડી આજે 11 માર્ચે વધીને રૂ. 394.53 લાખ કરોડ થઈ હતી, જે તેના અગાઉના ટ્રેડિંગ દિવસે એટલે કે સોમવાર, 10 માર્ચે રૂ. 393.85 કરોડ હતી. આ રીતે, BSE પર લિસ્ટેડ કંપનીઓના માર્કેટ કેપમાં આજે લગભગ રૂ. 68,000 કરોડનો વધારો થયો છે. અથવા બીજા શબ્દોમાં કહીએ તો રોકાણકારોની સંપત્તિમાં લગભગ રૂ. 68,000 કરોડનો વધારો થયો છે

સેન્સેક્સના આ 5 શેરોમાં સૌથી વધુ ઉછાળો જોવા મળ્યો હતો

આજે, BSE સેન્સેક્સના 30 માંથી 16 શેર લીલા રંગમાં એટલે કે ઉછાળા સાથે બંધ થયા છે. જેમાં સન ફાર્માના શેરમાં સૌથી વધુ 2.62 ટકાનો ઉછાળો જોવા મળ્યો હતો. આ પછી આઈસીઆઈસીઆઈ બેંક, ભારતી એરટેલ, એચસીએલ ટેક અને મારુતિ સુઝુકીના શેર 0.86 ટકાથી 2.4 ટકાના વધારા સાથે બંધ થયા હતા.

સેન્સેક્સના આ 5 શેરો સૌથી વધુ તૂટ્યા

સેન્સેક્સના બાકીના 14 શેર આજે નુકસાન સાથે બંધ થયા હતા. તેમાં પણ ઇન્ડસઇન્ડ બેન્કના શેર 27.17 ટકાના ઘટાડા સાથે ટોપ લૂઝર રહ્યા હતા. જ્યારે ઈન્ફોસિસ, બજાજ ફિનસર્વ, મહિન્દ્રા એન્ડ મહિન્દ્રા (M&M) અને Zomatoના શેરમાં 1.52 ટકાથી 2.15 ટકા સુધીનો ઘટાડો જોવા મળ્યો હતો.

2,479 શેરમાં ઘટાડો નોંધાયો હતો

બોમ્બે સ્ટોક એક્સચેન્જ (BSE) પર આજે નુકસાન સાથે બંધ થયેલા શેરોની સંખ્યા. એક્સચેન્જમાં આજે કુલ 4,091 શેરનું ટ્રેડિંગ થયું હતું. તેમાંથી 1,490 શેર ઉછાળા સાથે બંધ થયા હતા. 2,479 શેરમાં ઘટાડો જોવા મળ્યો હતો. જ્યારે 122 શેર કોઈ વધઘટ વગર સપાટ બંધ રહ્યા હતા. આ સિવાય આજે ટ્રેડિંગ દરમિયાન 60 શેર તેમની 52 સપ્તાહની નવી ટોચે પહોંચ્યા હતા. જ્યારે 233 શેર તેમની 52 સપ્તાહની નવી નીચી સપાટીએ પહોંચ્યા હતા.

સેન્સેક્સ177