પશ્ચિમ બંગાળઃ કારે ત્રણ રિક્ષાઓને ટક્કર મારી, એક બાળક સહિત ૭ લોકોના મોત
સાત લોકોના ઘટનાસ્થળે જ મોત : આઠ અન્ય ઘાયલ : જેમાંથી બે ગંભીર
કોલકાતા, તા.૧૫: પશ્ચિમ બંગાળના નાદિયા જિલ્લામાં શુક્રવારે એક દુઃખદ અકસ્માત થયો. આ દરમિયાન, ત્રણ મહિલાઓ અને એક બાળક સહિત લગભગ ૭ લોકોના મોત થયા અને આઠ લોકો ઘાયલ થયા. આ અકસ્માતમાં, એક ઝડપથી આવતી કારે એક પછી એક ત્રણ ઈ-રિક્ષાઓને ટક્કર મારી હતી. આ અકસ્માત છાપરા વિસ્તારના લક્ષ્મીગચ્છમાં થયો હતો, જ્યારે ઇ-રિક્ષા સવારો ઘરે પરત ફરી રહયા હતા.
વિરુદ્ધ દિશામાંથી આવતી એક ઝડપી SUV એ એક પછી એક ત્રણ ઈ-રિક્ષાઓને ટક્કર મારી, જેમાં ઈલેક્ટ્રિક વાહનોમાં મુસાફરી કરી રહેલા સાત લોકોના ઘટનાસ્થળે જ મોત થયા અને આઠ અન્ય ઘાયલ થયા, જેમાંથી બે ગંભીર રીતે ઘાયલ થયા.
અધિકારીઓએ જણાવ્યું કે ઘાયલોને નજીકની હોસ્પિટલમાં લઈ જવામાં આવ્યા છે, જ્યાં તેમની સારવાર ચાલી રહી છે. પોલીસે ઘટનાની તપાસ શરૂ કરી છે.(૨૩.૪)
(9:43 AM IST)
છેલ્લા 8 દિવસમાં સૌથી લોકપ્રિય 
